jahinjo murshid dastgeer tahin khy lahar na lodo aa

پيرن جي پير، سھڻي دستگير، محبوب سبحاني شيخ عبدالقادر جيلاني رحمت الله عليه جي شان ۾اچو ته اڄ گڏجي ھي منقبت ٻڌون جيڪا يارھين شريف جي موقعي تي بغداد شريف 2017 ۾ پڙھي وئي آھي ...... جنھن جو عنوان آھي *جنھنجو مرشد دستگير تنھنکي لھر نه لوڏو آ جنھن جو عبدالقادر پير تنھنکي لھر نه لوڏو آ ان کان علاوه اول اوھان دوستن سان حسب معمول ھن ساڳئي عنوان مان محبوب سبحاني،غوث صمداني، قطب رباني، شھباز لامڪاني، سيدنا شيخ عبدالقادر جيلاني حسني حسيني رحمت الله عليه جي زندگيءَ جي باري ۾ ڪجھ مختصر احوال ونڊڻ دل گھري ٿي اوھان به متوجھ ٿي وڃو سندن جو اسم شريف عبدالقادر، ڪنيت ابو محمد، لقب محي الدين پاڻ سني ۽ حنبلي طريقي جا نھايت اھم، سوفي بزرگ ۽ سلسلہ قادريہ جا باني آھن پيدائش سندن پھرين رمضان 704ھجري بمطابق 17 مارچ 1078 عيسوي ۾ ايران جي صوبي ڪرمان شاھ جي مغربي صوبي شھر گيلان ۾ ٿي حضرت شيخ عبدالقادر جيلاني رحمت الله عليه جو تعلق حضرت جنيد بغداديء رحمت الله عليه َ جي روحاني سلسلہ سان ملي ٿو جڏھن اڃان سندن ولادت باسعادت ڪونه ٿي ھئي ته سندن جي اچڻ جو گواھيون ڪافي بزرگان دين ڏنيون حضرت شيخ ابو احمد عبدالله بن علي بن موسيٰ سندن جي ولادت کان 6 مھينہ اڳ۾ گواھي ڏني ته انقريب اھڙي ھستي اچڻ واري آھي جنھن جو فرمان ھوندو قدمي ھذا علي رقبة کل ولي الله ترجمہ: منھنجو قدم تمام اوليائن جي گردن تي ھوندو اھڙيون گواھيون ته ڪافي آھن پر ٽائيم مختصر وٺڻو آھي تمام عالم الدين به ان ڳالھ تي متفق آھن ته پاڻ مادرزاد ولي ھئا سندن جي اھا ڪرامت به مشھور ھئي جو رمضان شريف ۾ سج اڀرڻ کان وٺي سج لھڻ تائين ڪڏھن به خير نه پيتائون ، پوري گيلان ۾ مشھور ھيو ته سادات جي گھراڻي ۾ ھڪ ٻار ڄائو آھي جيڪو رمضان شريف ۾ خير نٿو پئي جڏھن عمر مبارڪ چند سالن جي ٿي ته علم حاصل ڪرڻ لاءِ سفر جو ارادو فرمايائون سندن جي والده ماجده چند دينار سندن ٿيليءَ ۾ ٽاڪي بند ڪري ڇڏيا فرمايو ته (عبدالقادر) ھي اوھان کي سفر ۾ ڪم ايندا جڏھن پاڻ سفر لاءِ روانه ٿيا ته امان سائڻ فرماين ته اي منھنجا پٽ(عبدالقادر) ڪوڙ ڪڏھن به نه ڳالھاءِ جانءِ ( سندن جي والده صاحبه به ولايت واري ھئي) پاڻ موڪلائي ھڪ ڪافلي سان روانا ٿيا جڏھن ڪافلو روانو ٿي ويو ته رستي ۾ ھڪ ڊاڪن جو وڏو گروھَ قافلي کي پنھنجي گھيري ۾ آندو ۽ ڪافلي کان مال لٽيندا رھيا جڏھن ڊاڪن جي سردار سيدنا شيخ عبدالقادر جيلانيء کان معلوم ڪيو ته تو وٽ قيمتي شيءَ ڪھڙي آھي؟ پاڻ فرمايائون ته ھا مونوٽ ھن ٿيلھيءَ ۾ چند دينار سبيل آھن ان چورن جي سردار کي يقين ڪونه آيو سمجھائين ته شايد مونکي مذاق طور چئي رھيا آھن، ڇو ته ڪوئي ڪنھن کي درھم به نٿو ٻڌائي ھي مونکي دينار ڪيئن ٻڌائيندو؟ تان جو سڀئي ڊاڪو سندن کان واري واري پڇندا ويا سڀني کي ساڳي ڳالھ بيان فرمايائون آخر ڪار انھن چيس ته جيڪڏھن تو وٽ دينار آھن ته انھن کي ظاھر ڪر ته اھي ڏسون ڪٿي آھن حضرت شيخ عبدالقادر جيلانيءَ رحمت الله عليه جن فورن ان ٿيلھي مان اھي سبيل دينار کولي ٻاھر ڪڍي ان چورن جي سامھون آندا سڀ ڊاڪو سچائي ڏسي حيرت ۾ پئجي ويا ۽ سندن کان ان سچائيءَ جو سبب پڇڻ لڳا پاڻ فرمايائون ته جڏھن سفر تي روانو ٿيو ھيس ته ان محل منھنجي ماءُ مونکي فرمايو ھو ته پٽ (عبدالقادر) ڪوڙ ڪڏھن نه نه ڳالھائجان ان لاءَ مان پنھنجي امان سائڻ جي فرمان جي تعبيداري ڪيم ۽ اوھان سان ڪوڙ نه ڳالھايم ۽ جيڪو ڪجھ مونوٽ ھيو اھو سڀ اوھان جي سامھون ظاھر ڪيم ظاھر ڪيم اھو ڏسي اھي سڀئي ڊاڪو پنھنجي ڪيل ڪرتوتن تي پشيمان ٿيا ۽ پاڻ ۾ چيائون ته ھن شخص خطري جي وقت ۾ به ڪوڙ ناھي ڳالھايو ۽ پنھنجي ماءُ جو فرمان ناھي ٽوڙيو ۽ اسان ڪيئن پنھنجي مالڪ حقيڪيءَ جا سڀ حڪم ٽوڙيا آھن ۽ نافرماني ڪري پاڻ تي ظلم ڪري ويٺا آھيون پوءَ سڀني سندن جي ھٿ مبارڪ تي توبه ڪئي ۽ پاڻ کي غضب الاھي ۽ آخريت جي پشيماني کان نجات ڏياري اھا ھئي بادشاھ پير محبوب سبحاني جي علم حاصل ڪرڻ لاءِ قافلي سان وييندي سفر ۾ ڪرامت. پاڻ فرمائن ٿا ته آءُ 10 سالن جو ھيس جڏھن پڙھڻ لاءَ مڪتب ۾ ايندو ھيس ته ھڪ غيبي آواز ايندو ھيو جنھن کي سڀ مڪتب وارا به ٻڌندا ھئا افسحوا لولی اللہ ترجمه :الله تعاليٰ جي ولي لاءِ جڳھ ڪشاڊي ڪريو. انشاءَ الله ھي ذڪر محبوب سبحاني،غوث صمداني، قطب رباني، شھباز لامڪاني، سيدنا شيخ عبدالقادر جيلاني حسني حسيني رحمت الله عليه جن جو جاري ھوندو الله تعاليٰ اسان کي لکڻ مسلمان ڀائرن تائين پھچائڻ جي توفيق عطا ڪندو ۽ پنھنجي ولي ڀانھن سان محبت رکڻ جي توفيق عطا ڪندو آمين منقبت ٻڌوو شيئر ڪريو شيئر ڪرڻ ۾ اوھان جو نيٽ جو خرچو ڪونه ٿيند پر صدقو جاري ھوندو. احــمد مــحمدي ( مان محمّدﷺ جو غلام) ھيءَ وڊيو يو ٽيوب تان ڊائون لوڊ ڪري ايڊٽ ڪئي وئي