PADRE DENIS MLIMIRA WATAKA WAAMINI KUTAMBUA MAFANIKIO YAO SIO VILE WANAVYOTAZAMWA NA WANADAMU.

Padre Denis Mlimirima amewaasa waamini kuamini na kutambua kuwa mafanikio yao sio vile wanadamu wanavyowatazama bali ni vile Mungu alivyowanenea. Padre Mlimirima amezungumza hayo wakati wa homilia yake hapo jana ya Dominika ya nne ya kwaresma ambayo imewakutanisha waamini wa parokia ya Vyuo vikuu na kati vya Jimbo la Iringa. Aidha Padre Mlimirima anawaasa waamini hao waendelee kuthubutu, kujituma na kumwamini mungu katika mambo magumu wanayoyapitia. Sambamba na hayo padre Mlimirima anawaasa waamini kutambua siri kubwa ya Mungu pale anapowainua katika viwango vya juu basi anawapitisha katika mitihani migumu.