Hon Muangsak Aw | Mangnunmawi

Hon Muangsak Aw Lei mihing ka nuntaakna mizia in Duhthu aibang ka sam kha zel a, Ka tan sanga hoihzaw te lunggulh in, Tanvou sanga tamzaw deih beh in, Tantawk a lungkim dan ka siam theilou. Sian aw na lemgel siam dan hon ngilhsak ken, Na vaihawmna ahoihlou omlou ahih dan. Kei adia hoih leh hoihlou bangkim nathei vek a, Nahon piak thil khempeuh kei dinga Ahoihpen ahihdan hon muangsak aw.. Nuai simlei a taangbang damlai sung teng Nop hun om in dah hun zong om dia, Lungkham mangbat ni leh kipah ni zong Thil bangkim hunbi nei in na siam, Hizong dahna thuakdan ka siam lou e. Non piaksa lei vualzawlna te teng leng Sim a sim zawh vual ahihlouh dan, Keia dinga hoihlou lampi te a Na hon pii ngeilouh dan phawkden a Tantawk a lungkim dan hon sinsak aw. Ngaikhetu tengteng Toupa'n hon vualzawl hen! Ngetna - Hehpihtakin hiai music video leh a clippings mundang ah hon zatsak kei un aw.