Khit Thit Evening News | February 3, 2026

Khit Thit သတင်းဌာန၏ ဖေဖော်ဝါရီ ၃ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဖေဖော်ဝါရီ ၃ ရက် ရက် ညနေပိုင်း တင်ဆက်ပေးမယ့် သတင်းတွေကတော့ အကြမ်းဖက် မင်းအောင်လှိုင်နဲ့ မြန်မာ စစ်တပ် ကျူးလွန်ထားတဲ့ စစ်ရာဇဝတ်မှုတွေကို အရေးယူနိုင်ဖို့အတွက် တီမောနိုင်ငံက တရားဥပဒေကြောင်းအရ စုံစမ်းစစ်ဆေးဖို့ အမှုစတင်ဖွင့်လှစ်လက်ခံလိုက်ပြီဖြစ်ပါတယ်။ မြန်မာနိုင်ငံအနှံ့က PDF တပ်တွေနဲ့ တိုင်းရင်းသားတော်လှန်ရေးတပ်တွေဟာ စစ်မျက်နှာအသီးသီးမှာ အကြမ်းဖက်စစ်တပ်ကို ထိုးနှက်တိုက်ခိုက်ပြီး နယ်မြေစိုးမိုးမှု စနစ်တကျတိုးချဲ့နေပြီဖြစ်တယ်လို့ အမျိုးသားညီညွတ်ရေးအစိုးရ NUG ရဲ့ ပြောရေးဆိုခွင့်ရှိသူ ဦးနေဘုန်းလတ်က ပြောပါတယ်။ -ကချင်ပြည်နယ်၊ ဖားကန့်မြို့ မရှီကထောင်းရပ်ကွက် တိုက်ပွဲအတွင်း အကြမ်းဖက် စစ်တပ်ဘက်က ခမရ ၃၈၁ တပ်ရင်းရဲ့ တပ်ခွဲမှူး ဗိုလ်မှူး ဇာနည်အောင် အပါအဝင် ၂ ဦးကတော့အသီးသီး‌သေကုန်ကြ တဲ့အပြင် ၊ နောက်ထပ် စစ်သား ၆ ဦးလည်း KIA ပူးပေါင်းတပ်တွေဆီမှာ အလင်းဝင်ရောက်လာသလို ၊ တိုက်ပွဲကတော့ ဆက်လက် ရှုတ်ထွေး ပြင်းထန်နေတုန်းပဲလို့ ဖားကန့်ဒေသ စစ်ရေးသတင်းရင်းမြစ်က ရန်ကုန်ခေတ်သစ်ကို ပြောပါတယ်။ တရုတ်နိုင်ငံရဲ့ စစ်ဗိုလ်ချုပ်ကြီး ကျန်းယိုရှားနဲ့ လျိုကျန်းလီတို့ကို တရုတ်အစိုးရက ဖမ်းဆီး စစ်ဆေးမှုဟာ တရုတ်စစ်တပ်ကို ပိုမိုအားကောင်းလာဖို့ ဖြစ်တယ်လို့ တရုတ် အစိုးရမီဒီယာတွေက ပြောဆိုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။