Hip Hop လောကရဲ့ ပထမဆုံး ဒိတ်ဒိတ်ကျဲ လူဖြူ ရက်ပ်ပါ အဆိုတော် Eminem

1997 ခုနှစ်မှာတော့ Hip Hop လောကရဲ့ အပြောင်းအလဲတစ်ခု ဖြစ်လာခဲ့တယ်ဗျ။ ပရိုဂျူဆာတစ်ယောက်ဖြစ်တဲ့ Dr Dre ဟာ Demo သီချင်းတစ်ပုဒ်ကိုနားထောင်ပြီးတဲ့အခါမှာတော့ စကားတစ်ခွန်း ထွက်သွားတယ်ဗျ။ Hey Find Him Now။ အဲဒီက စပြီး လူမည်းတွေချည်း ကြီးစိုး တဲ့ Hip Hop လောကမှာ အကုန်ပွက်လောရိုက်ကုန်ပါတယ်။ ဘာ လူဖြူတစ်ကောင်ကို လိုင်းတင်ပေးမလို့ ဟုတ်လား။ အဲဒီမှာပဲ Dr Dre က ပွဲထကြမ်းပါတယ်။ မင်း သာ စောက်သုံးကျရင် အသားအရောင်က ခရမ်းရောင်ဖြစ်နေပါစေ ငါခေါ်သုံးမှာဆိုပြီး ထပြောလိုက်ပါတယ်။ ဒီ လူဖြူ Rap အဆိုတော်က ဘယ်သူများပါလဲ။ ကျွန်တော်တို့ နာမည်မပြောခင်ကတည်းက ရွှေညီအစ်ကိုတို့ သိနေလောက်ပြီလို့ထင်ပါတယ်။ ဟုတ်ပါတယ်ခင်ဗျ။ သူက တော့ Hip Hop လောကကို တစ်ခေတ်ဆန်းစေခဲ့တဲ့ Eminem ဆိုသူပဲဖြစ်ပါတယ်။