Telefonata e gabuar që lidhi dy zemra! Olsi: Nisi si aventurë, por ajo më nguli thikën e dashurisë

Në “Ka Një Mesazh Për Ty” surprizat mund të bëhen më të mëdha! Moderatori i së “Dielës Shqiptare” në Tv Klan, Ardit Gjebrea hyn drejt e në dhomën e grimit ku në karrige gjendet Ornela. Pranë saj janë dy vajzat e saj, Laura e Lea. Ornela thotë se di që ka ardhur një mesazh për bashkëshortin e saj, Olsin dhe gjithë familja duhet të jetë e pranishme. Në të vërtetë, Olsi ka ftuar Ornelën dhe Gjebrea kërkon që të gjithë të ruajnë sekretin. Ëndrra e Ornelës ka qenë të veshë fustanin e bardhë të nusërisë dhe për herë të parë, kjo do t’i realizohet, falë Geraldina Sposa-s. Ndërsa ajo e vajzat bëhen gati, Gjebrea kthehet në studio për të mirëpritur Olsin që vjen i veshur si dhëndër dhe me një kuti në dorë ku gjendet unaza. Ai nis të ndajë historinë e njohjes me Ornelën, ku gjithçka nisi nga telefonata e gabuar. Ardit Gjebrea: Si e ke njohur? Olsi: Njohja ka qenë nga rastësia e një telefonate. Ardit Gjebrea: Ç’do me thënë? Olsi: Një telefonatë e gabuar na njohu ne të dy. Ardit Gjebrea: Po ti si, i re një numri kot? Olsi: Një numri. Ardit Gjebrea: Pa ditur, nuk është se e kishe, thjesht e formove. Olsi: Pa ditur. Ardit Gjebrea: Dhe doli Ornela? Olsi: Doli Ornela. E merrja, e hapte, s’përgjigjej. Pasi e binda disi, kemi folur 2-3 ditë dhe ajo i tregon nënës së saj. I thashë shumë mirë bëre, me vete thashë punë e madhe, se mos e kam seriozisht se e mora si lojë, si aventurë të radhës. Kështu vazhdoi njohja jonë. Ne kemi folur rreth 5-6 muaj dhe vendosëm që ta takoja. Unë shkoj te shkolla ku ajo bënte gjimnazin. Takimi jonë ka qenë disi si puna e asaj këngës te porta e gjimnazit të prisja. Kur e shikoj këtë vajzën e sinqertë dhe me atë fytyrën e turpshme, ndieva diçka. Takimi ynë ka zgjatur vetëm gjysmë ore dhe u ndamë me shpresën që do të takoheshim përsëri, por kur u largova, thashë nuk po vij më. Ardit Gjebrea: Pse? Olsi: Shumë larg. Nusja ime është nga Elbasani, unë jam nga Fieri dhe më ngjante shumë larg, më dukej shumë larg. Ardit Gjebrea: Në fakt, edhe larg ka qenë se tani janë bërë rrugët, atëherë nuk ishin dhe aq afër. Olsi: Disi po. Ardit Gjebrea: Sa vjeç ishe ti? Olsi: Unë kam qenë 18 vjeç dhe ajo s’i kishte bërë akoma 18 vjeç. Kemi folur afro, vitin nuk e kemi mbushur dhe ajo ma nguli thikën e dashurisë drejt e në zemër. Edhe pse në fillim për Olsin ishte e vështirë që familjet të bindeshin se ai e kishte seriozisht me Ornelën, e ndihmoi ndërhyrja e vëllait të vogël. Çifti realizoi një fejesë të vogël, por jo një ceremoni siç e ka dashur gjithmonë. “Nusja ime e ka pasur shumë ëndërr fustanin e bardhë, besoj se të gjitha vajzat e kanë ëndërr, por ajo është më ëndërrimtarja. Kemi pasur raste kur dilnim shëtitje dhe rastisnim para një dyqani që kishte fustane nusërie, thoshte ‘sa të bukur këta fustanet!’”, thotë Olsi duke kujtuar se fillimisht nuk kishte ç’t’i ofronte veç dashurisë së tij të pakushtëzuar. E Diela Shqiptare, programi më popullor në të gjitha familjet shqiptare, vjen çdo të diel. Një program i cili përfshin një fashë orari maratonë, prej 6 orësh transmetim live. Struktura e programit: “Ka një mesazh për ty”, “Quiz me 5 Yje”, “Të panjohurit”, “Kujdes shëndetin”, “Telebingo shqiptare”, “Shihemi në gjyq”, “Power Kidz”, etj. Ndërsa që prej vitit 2003, bashkëprodhon me Klan festivalin më prestigjioz të muzikës moderne shqiptare, “Kënga Magjike”, live nga Pallati i Kongreseve. #EDielaShqiptare #ArditGjebrea #TVKlan #olsi #ornela #dhender #dashuri #nuse #geraldinasposa #jonipeci#fustan #martese #enderr