Tələbə kreditləri qaydalarını izah edirik

Təhsil tələbə kredit fondu verəcəyi kreditlərin sosial və standart növlərini açıqlayıb. Ünvanlı sosial yardım alan ailələrin üzvləri, 3-cü dərəcə əlilliyi olan tələbələr, hər iki valideyni birinci və ya ikinci dərəcə əlilliyi olanlar, hər iki valideyni işsiz kimi qeydiyyatda olanlar, hər iki valideyni yaşa görə əmək pensiyası aldıqda və hər iki valideyni yaşa görə sosial müavinət aldıqda tələbə birinci tədris ilinin ilk semestrindən sosial təhsil tələbə krediti ala bilər. Sosial kredit almaq hüququ olmayan tələbələr isə təhsillərinin birinci tədris ilinin ilk semestrindən (yarımildən) etibarən standart kredit almaq hüququna malikdirlər. Bunun üçün də müəyyən meyarlar nəzərər alınacaq. Belə ki, ilk semestr üçün qəbul imtahanında toplanan balın Fondun Himayəçilik Şurası tərəfindən müəyyən edilən minimal həddindən yuxarı olanlar, digər semestrlər üçün isə ümumi aralıq balı 71 bal və yuxarı olanlar və illik təhsil haqqı xərcinin ən azı 20 faizini ödəyənlər standart kredit üçün müraciət edə bilərlər. Təhsil krediti hər tədris semestri (yarımili) üzrə yalnız bir dəfə verilir. Kredit üçün girov və zaminlik tələb olunmur. Alınan kredit tələbənin hesabına yox, təhsil müəssisələrinə köçürüləcək. Kreditin verilməsindən imtina edilmiş şəxsin yenidən kredit almaq üçün növbəti semestrdə (yarımildə) təkrar müraciət etmək hüququ var. Təhsil krediti almısınızsa və təhsil müəssisəindən uzaqlaşdırılmısızsa, bu hadisə hansı tarixdən rəsmiləşirsə, o tarixdən etibarən kreditinizi geri ödəməlisiz. Təhsil kreditinin qaytarılmasında möhlət də əldə etmək mümkündür. Məsələn hərbi xidmətə getdikdə, analıq məzuniyyətinə getdikdə, 4 ildən çox olmayaraq azadlıqdan məhrum edildikdə, saqlamlıq imkanları məhdud olan 18 yaşına kimi uşaqlara və 1 dərəcə əlilliyi olan şəxslərə qulluq müddətində kreditin qaytarılması üçün möhlət istəyə bilərsiniz. Kanala abunə ol - https://goo.gl/TcM9Fm Bizə maddi dəstək ol https://cutt.ly/destek WebSite: http://www.meydan.tv Facebook: http://fb.com/MeydanTelevision Twitter:   / meydantv   Google+ https://plus.google.com/+MeydanTelevi... İnstagram:   / meydantv   __________________________________________________________________ Xəbərdən çox xəbər var. Çəkin göndərin yayımlayaq - Whatsapp : +4915777662277