လူနေဖို့ မသင့်တော့တဲ့နေရာတွေမှာ နေကြတဲ့ မြို့သားတွေ- BBC News မြန်မာ

လူဖြူလူမည်းခွဲခြားတဲ့စနစ်က လွတ်မြောက်ခဲ့တဲ့ တောင်အာဖရိကနိုင်ငံရဲ့ အထင်ကရမြို့ ဂျိုဟန်နစ္စဘတ်က မြို့လယ် လူထူထပ်တဲ့အရပ်မှာ လူနေဖို့ မသင့်လျော်တော့တဲ့ တိုက်တန်းတွေဖြစ်တဲ့ စွန့်ပစ်ခံတိုက်တန်းတွေ၊ အပိုင်စီးထားခံရတဲ့ တိုက်တန်းတွေ ရာနဲ့ချီပြီး ရှိနေပြီး ဆိုးရွားလှတဲ့ အခြေအနေအောက်မှာ လူတွေ နေထိုင်နေကြရပါတယ်။ ဘီဘီစီ အနေနဲ့ ဒီလို တိုက်တာပေါင်း ၁၀၀ ကျော်တွေ့ခဲ့ရပြီး တချို့ သတင်းတွေအရ အဲဒီလို တိုက်တာတွေပေါင်း ၇၀၀ ကျော် ရှိပါတယ်။ နိုဝင်ဘာလထဲမှာ တောင်အာဖရိကနိုင်ငံ ဂျိုဟန်နစ္စဘတ်မြို့မှာ ကမ္ဘာ့စီးပွားရေး အင်အားအကြီးဆုံးနိုင်ငံပေါင်း ၂၀ က ခေါင်းဆောင်တွေ တက်ရောက်မယ့် ဂျီ တွမ်တီး ထိပ်သီးညီလာခံ ကျင်းပကြမှာပါ။ အာဖရိကတိုက်မှာ ဂျီတွမ်တီး ညီလာခံကို ပထမဆုံးအကြိမ်ကျင်းပကြမှာလည်း ဖြစ်ပါတယ်။ ဂျီတွမ်တီး ထိပ်သီးညီလာခံကို လက်ခံကျင်းပမယ့် ဂျိုဟန်နစ္စဘတ်ဟာ နေထိုင်သူပြည်သူတွေ အတွက်တောင် အဆင်သင့်ဖြစ်ပါပြီလား။ BBC Eye သတင်းထောက် အာယန်ဒါ ချာလီရဲ့ သတင်းဆောင်းပါးကို မသီရိဇော်က ပြန်ပြောပြထားပါတယ်။