भक्त स्त्रीच्या आर्त हाकेला मनरमणी जगदंबा कशा प्रकारे प्रतिसाद देते ह्याची कथा | Aniruddha Bapu

आपण अनेकदा एक म्हण वापरतो - ‘दिसतं तसं नसतं, म्हणून हे जग फसतं’. आयुष्यात आपण बर्‍याचदा कुठल्या ना कुठल्या गोष्टीवर सकृद्दर्शनी विश्वास ठेवतो आणि काही काळानंतर, ती गोष्ट आपण समजलो तशी नाहीये, असे कळल्यावर आपल्याला पश्चात्ताप होतो. सद्गुरु अनिरुद्ध बापूंनी दि. २ जुलै २०२६ रोजीच्या पितृवचनामध्ये सांगितलेली कथा ह्याच मुद्यावर आधारित होती. एका मोठ्या नगरात एका सुखवस्तु मध्यमवर्गीय घरात जन्मलेल्या मुलाची ही कथा आहे. वडिलांचा छोटासा धंदा आणि शेती त्याने स्वकष्टाने वाढवली आहे. मात्र स्वत:च्या हिंमतीवर सर्व कमावलेले असल्यामुळे, ‘मी’पणाची भावना वाढीस लागलेली आहे व घरचे जरी श्रद्धावान असले, तरी हा मात्र पक्का नास्तिक बनलेला आहे. घरी होणार्‍या पूजापाठांना, जगदंबाभक्त असणार्‍या पत्नीच्या श्रद्धेला कडाडून विरोध करतो आहे. पत्नी मात्र शांत स्वभावाची व पतिव्रता आहे. नवर्‍याला राग येतो म्हणून ती गुपचूपपणे भक्ती करते. माझ्या पतीला काहीही करून भक्तिमार्गावर आणच, अशी प्रार्थना तिने आर्ततेने आई जगदंबेला केलेली आहे. ते पतीपत्नी एक स्नेह्यांच्या घरी दुसर्‍या गावी लग्नाला जातात आणि ह्या प्रवासादरम्यान व नंतरही नवर्‍याच्या जीवनात कशा एकामागून एक अतर्क्य घटना घडतात आणि अखेर त्याला भक्तिमार्गावर आणण्यासाठी पत्नीने जगदंबेस केलेली प्रार्थना त्या 'मनरमणी' जगदंबेकडून कशी 'ऐकली' जाते, ते ही कथा सांगते. ती श्रद्धावान पतिव्रता, अश्रद्धेने पूरेपूर भरलेल्या आपल्या नवर्‍याला अभक्तीपासून वाचवून भक्तिमार्गावर आणते, तो दिवस नेमका वटपौर्णिमेचाच होता. ह्या कथेच्या अनुषंगाने बापू, आम्हाला वटपौर्णिमेच्या वाणात फणसाचा गरा का ठेवायला लागतो, त्यामागील रहस्यही सांगतात. त्याचबरोबर, वटपौर्णिमा ते गुरुपौर्णिमा ह्याच महिन्यामध्ये ‘श्रीगुरुचरणमास’ का पाळायचा, तेदेखील समजावून सांगतात. तसेच ही आई जगदंबा, अभक्तीने भरलेल्या पाषाणहृदयातही भक्तीचा अंकुर रुजवू शकते, म्हणून ‘आयुष्यात कशीही परिस्थिती आली, तरी तिला कधीही दोष देऊ नका’, असे बापू अखेरीस कळकळीने सांगतात. ह्या कथेच्या ओघाओघात सद्गुरु बापूंनी श्रद्धावानांकडून - जय जय भवानी मनरमणी मणिद्वीपवासिनी, चौदा भुवनांची स्वामिनी महिषासुरमर्दिनी, जय जय भवानी हा सुंदर गजर करून घेतला. #AniruddhaBapu #Jagadamba #goddessstory ©℗ ---------------------------------- Join the WhatsApp Channel - https://whatsapp.com/channel/0029Vb9c... For more information about Sadguru Shree Aniruddha (Bapu) - Aniruddha Devotion Sentience site - https://aniruddha-devotionsentience.com/ Samirsinh Dattopadhye blog - https://sadguruaniruddhabapu.com Watch live events - https://www.aniruddha.tv Know more about the Devotional Services carried out under the guidance of Sadguru Shree Aniruddha (Bapu) - http://www.aniruddhasadm.com https://aniruddha-aadeshpathak.com ----------------------------------