Home Ganpati Decoration 2023 || खेडेकरांचा राजा || CinematicHighlights #ganpatidecoration #trending

॥ श्री गणेशाय नमः॥ ●|| खेडेकरांचा राजा २०२३ ||● यंदाचा देखावा : आंग्कोर वाट (आंगकोर वट) , कंबोडिया 🔸 प्राथमिक ओळख 🔸 आंग्कोर वाट किंवा आंगकोर वट हे आंग्कोर, कंबोडिया येथील राजा सूर्यवर्मन दुसरा याच्या कारकीर्दीत बांधले गेलेले बाराव्या शतकातील हिंदू मंदिर आहे. अप्रतिम स्थापत्यशास्त्र आणि भव्य शिल्पकलेचा नमुना म्हणून ओळखले जाणारे आंग्कोरवाट हे मध्ययुगात 'व्रह विष्णूलोक' (गृह विष्णूलोक) म्हणून ओळखले जाई. ख्मेर स्थापत्त्यशास्त्राचा उत्कृष्ट नमुना म्हणून सुस्थितीत असणारे आंग्कोरवाट मंदिर ही एकमेव वास्तू पृथ्वीतलावर उरलेली आहे. या मंदिराचे बांधकाम हिंदू पुराणातील क्षीरसागराच्या मंथनाचा प्रसंग दर्शविण्यासाठी केले गेले आहे. मंदिराची मुख्य इमारत मेरू पर्वताची प्रतिकृती मानली जाते तर सभोवतीचा पाण्याचा खंदक क्षीरसागर मानला जातो. कंबोडियाच्या मध्यभागी असणाऱ्या आंग्कोर या प्राचीन ख्मेर राजधानीच्या भग्नावशेषांत आंग्कोर वाटचे सुस्थितीतील मंदिर आजही उठून दिसते. ज्याप्रमाणे संस्कृत "नगर" या शब्दाचे अपभ्रष्ट ख्मेर रूप 'नोकोर' वरून नंतर 'आंग्कोर' ची व्युत्पत्ती झाली अगदी त्याचप्रमाणे 'वाटिका' या शब्दापासून 'वाट' या शब्दाची निर्मिती झाल्याचा इतिहास वाचण्यास मिळतो. हिंदू व बौद्ध स्थापत्यशास्त्रांचा उपयोग करून बांधलेले आंग्कोर वाट हे भगवान विष्णूंचे जगातील सर्वांत मोठे मंदिर समजले जाते. या मंदिराची निर्मिती भारतीय खगोलशास्त्राचे नियम वापरून करण्यात आली आहे असेही सांगितले जाते. हे मंदिर पश्चिमाभिमुख असून त्यातील मुख्य देवालय हिंदू पुराणातील मेरू पर्वताची प्रतिकृती मानले जाते. या स्थानाची लांबी १५०० मीटर व रुंदी १३०० मीटर असून ते जमीनीच्या तीन स्तरांवर (वेगवेगळ्या उंचीच्या तीन प्रांगणांत) बांधलेले आहे. हे संपूर्ण मंदिर वालुकाश्माच्या (Sandstone) प्रस्तरापासून बनवले असून हे पत्थर अनेक मैल दूर असलेल्या खाणीतून कोरून मंदिराच्या जागी आणल्याचा पुरावा मिळतो. मंदिराचे बांधकाम व कलाकुसर पाहून हजारो गुलामांची, विशारदांची व कारागिरांची फौज या कामी लागली असावी असा अंदाज बांधता येतो. मंदिराच्या भिंतींवर व गोपुरांवर अनेक देवतांच्या व अप्सरांच्या मूर्ती कोरलेल्या आहेत. या गोपुरांना 'हत्ती दरवाजे' असेही म्हटले जाते. असे म्हणतात कि या मंदिराच्या निर्मितीसाठी जवळजवळ पाचशे कोटी रेतीच्या दगडांचा वापर केलेला आहे. प्रत्येक दगडाचे वजन दीड टन इतके आहे. मंदिराच्या गॅलरीमध्ये तसेच भिंतींवर बळी-वामन, स्वर्ग-नरक, समुद्र मंथन, देव-दानव युद्ध, महाभारत तसेच रामायण आदी पुराणांशी संबंधित अनेक चित्र कोरली गेलेली असून या चित्रांमध्ये रामायणाची संक्षिप्त कथा देखील कोरलेली आहे. सन १९८६ पासून सन १९९३ पर्यंत भारतीय पुरातत्व सर्वेक्षण विभागाने अंगकोरवाट मंदिराच्या सुरक्षिततेची जबाबदारी उचलली होती. बाराव्या शतकात निर्माण झालेल्या ह्या मंदिराला १९९२ साली युनेस्को मार्फत जागतिक वारसास्थळांमध्ये सामील करण्यात आलेलं आहे. 🔸 सामाजिक संदेश 🔸 जगातील सर्वात मोठ्या हिंदू मंदिराची माहिती सर्वांपर्यंत पोहोचावी आणि त्याद्वारे जागरूकता निर्माण होऊन आपला अतिभव्य वारसा जपण्यासाठी आपल्या मनात एक लहानशी ज्योत प्रज्वलित व्हावी. 🔸 मूर्ती संदर्भ 🔸 अंकोरवाट हे विष्णूमंदिर असल्यामुळे श्री गणेशाची मूर्ती ही भगवान श्री हरी नारायणांचा अंशाअवतार असलेल्या श्री स्वामी समर्थ रूपात मंदिरात विराजमान झालेली आहे. ॥ श्रीगणेशार्पणमस्तु ॥ 🕉️🔱🌺🌼🌺🔱🕉️ || खेडेकरांचा राजा २०२३ || श्रीं ची निर्मिती - सतिश जोशी (सिद्धाईआर्ट्स) श्रीं ची मखर सजावट - अनिरुद्ध खेडेकर. श्रीं चे दूत (हातभार ) - शोण खेडेकर, अथर्व अंबुकर, विधी खेडेकर. श्रींच्या मखराची विदुयत रोषणाई :- अनिरुद्ध खेडेकर. श्रीं ची मखर मांडणी (Layout) :- श्रीकांत ढाणे व अनिरुद्ध खेडेकर. विशेष सहकार्य व आभार - विद्याधर गायकर , अश्विन विरकुड, सुधाकर साखरकर , स्वराज गाणार. आधारस्तंभ :- खेडेकर परिवार. Vedio Credit : छायाचित्रकार आणि छायाचित्रीकरण :- श्रेयस गोयजी आणि टिम. संकलन व ग्राफिक्स :- केदार शिर्के (Antic kreators). श्री. अनिरुद्ध खेडेकर यांच्या घरी विराजमान झालेली श्रींची मुर्ती.