"Na bo'lg'ay", Norimboy Musayev

Ҳамид Олимжон шеъри. Ноёб овоз эгаси моҳир санъаткор Норимбой Мусаев ижросида. Қўшиқ ёқса, обуна бўлинг, лайк босишни ҳам унутманг. (Қўшиқлар муаллиф розилиги билан ютубда нашр қилинмоқда.) Шеър матни: На бўлғай бир нафас мен ҳам ёноғинг узра хол бўлсам, Лабинг япроғидан томган ки гўё қатра бол бўлсам.   Бутоғингга қўниб булбул каби хониш қилиб тунлар, Ўпиб ғунчангни очмоқлиққа тонг чоғи шамол бўлсам.   Бўйингни тарқатиб оламни қилсам масту мустағриқ, Ўзимнинг санъатимга сўнг ўзим ҳайратда лол бўлсам.   Сенинг бирла қолиб бу масту лол оламда мен ёлғиз, Ўзимни ҳам тополмай, майлига, охир хаёл бўлсам.   Агар боғингда гул бўлмоқ менинг-чун нораво бўлса – Ки, минг бор розиман қасрингга ҳаттоким дувол бўлсам.   Бошим ҳеч чиқмаса майли маломат бирла бўҳтондин, Рақиблар рашкига кўкрак керай, майли, қамол бўлсам.   Кезиб саҳрою водийлар етишсам бир висолингга, Фидо жонимни қилдим йўлингга, майли, увол бўлсам.