Шымкент халқы жергілік «ЦОН-ның» жабылуы қарсы шықты

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal   --------------------------------------------- Ақтаудағы ұшақ апаты -    • Ақтаудағы ұшақ апаты   Бишімбаев ісі -    • Бишімбаев ісі   Су тасқыны бойынша барлық ақпарат -    • Су тасқыны // Төтенше жағдай   Жұмбақ өлімдер -    • Жұмбақ өлім   Бүгінгі шығарылымда: Шымкентте мамандандырылған халыққа қызмет көрсету орталығының жабылуына жергілікті халық наразы. Себебі, қаланың оңтүстік бөлігіндегі жалғыз мекеме облысқа қарасты екі аудан мен шаһар аумағындағы 10-нан астам шағын аудан жұртына қызмет көрсетеді. Бірақ жабылғалы тұрған орталық қаланың солтүстік бөлігіне көшірілмек. Бұл жағдай кептелісі көп үлкен шаһардың қарапайым тұрғындарына қолайсыздық туындатып тұр. Алты жылдан бері Шымкенттің оңтүстік аумағына шоғырланған 10-нан астам шағын аудан жұрты «Арғымақ» мамандандырылған халыққа қызмет көрсету орталығына келеді. Оған қоса, Түркістан облысына қарасты Төлеби және Қазығұрт аудандарындағы ағайын да осы нысанның қызметін пайдаланады. Ғимарат алдағы айда жабылады деген жаңалықты дүйім жұрт дүрліге қабылдады. ҚҰРАЛБЕК ҚЫДЫРБЕК, Шымкент қаласының тұрғыны: -Дәл осы істелініп қойған дүниені жабу бұл қастандық деп есептеймін. Халықты сыйламау, құрметтемеудің нышаны деп есептеймін. Өйткені үлкен тұрағы бар, қаладан шыққанда тез жетіп келетін халыққа қызмет көрсету орталығы барлық ағайынға ауылдан келгенде де ыңғайлы. Көпшілік қаланың солтүстік бөлігінде екі бірдей мамандандырылған халыққа қызмет көрсету орталығы жұмыс істеп тұр, ондағы қаптаған қауым өз алдына жеткілікті дейді. СЕРІКЖАН САРЫПБЕКОВ, Шымкент қаласының тұрғыны: -Осы райондағылар бар, сосын авторынок істеген кезде бүкіл машина сол жерге барады. Ол жақта кептеліс болады, сосын бір күндеп кезек күту керек болады. Сондай ыңғайсыз. МАҚСАТ ЖАҚСЫБАЙҰЛЫ, тілші: -Аумағы 1400 шаршы метрді құрайтын нысан 2019 жылы пайдалануға берілген екен. Мұнда күнделікті 20 оператор халыққа қызмет көрсетеді және 13 қызмет түрін алуға болады. Тіпті көліктердің мемлекеттік нөмірлері де қала бойынша осы жерден әзірленіп шығарылады. Ал ғимарат иесі орталықтағы барлық техникалық жарақтандыру өз есебінен жүргізілгенін айтады. Оған қоса, тағы екі жылға жуық уақыт тегін түрде жалға берілген. Сол кезде заманауи қалыпта көлік үйрету алаңы ашылған. Соған қарамастан орталық басшылығы ойда жоқта жалға беру құны қымбат деген сылтаумен көшетінін мәлім етті дейді. ҒАНИ ӘЛЖАНОВ, жалға беруші: -Аренда жағы қымбат деп жатыр ғой, оның ешқандай қатысы жоқ. Келісім шарт бойынша баста қалай қойылды, солай тұр. 3,5 млн -ға жуық шамасында төленеді. Ал корпорация өкілдері бұл шешім мемлекетті қызметті онтайландыру үшін жасалып жатқанын жеткізді. АЙНҰР ТОБАЕВА, ҚР Азаматтарға арналған үкіметтік мемлекеттік корпорациясы шымкент филиалының директоры: -Оптимизация жүргізіліп жатыр. Өздеріңізге белгілі мемлекеттік қызметтердің барлығы электрондық форматта жүргізіліп жатыр. Біртіндеп кезең-кезеңімен қазір мобильдік қосымшалар арқылы екінші деңгейлі банк қызметтері арқылы мемлекеттік қызметтер халыққа қол жетімді. Қалай болғанда да мұндай шешімге жергілікті жұрт қарсы. Электронды форматтағы мобильді қызметтер егде жастағыларға әлі де таңсық екенін ескерген жөн дейді көпшілік. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   WhatApp - https://whatsapp.com/channel/0029VaDm... TikTok - https://www.tiktok.com/@informburo31?... Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық