'ഡ്രൈവർ സീറ്റില്‌‍ എന്നെ കണ്ട് ഇറങ്ങിപ്പോയവരുണ്ട്'; കളിയാക്കിയവരെ കൊണ്ട് കൈയ്യടിപ്പിച്ച മിടുക്കി

കെഎസ്ആർടിസിയിലാണ് ജോലി എന്ന് പറയുമ്പോൾ കണ്ടക്ടർ ആയിട്ടാണോ എന്നാണ് ആര്യയോട് ആളുകൾ ആദ്യം ചോദിക്കുക. ഡ്രൈവർ കൂടിയാണെന്ന് പറയുമ്പോൾ അത്ഭുതപ്പെടും. അയ്യേ ഡ്രൈവറോ എന്ന് കളിയാക്കിയ ബന്ധുക്കൾ അടക്കമുള്ളവരുണ്ട്. എന്നാൽ ആര്യ ബസ് ഓടിക്കുന്ന വീഡിയോ ഒരു പോലീസ് ഉദ്യോ​ഗസ്ഥൻ പകർത്തുകയും അത് വൈറലാവുകയും ചെയ്തതോടെ കഥമാറി. കളിയാക്കി ചിരിച്ചവർ തന്നെ മോൾ നന്നായി ഡ്രൈവ് ചെയ്യുന്നുണ്ടല്ലോ എന്ന് അഭിമാനത്തോടെ പറയാൻ തുടങ്ങി. സ്ത്രീകൾ വണ്ടി ഓടിക്കുമ്പോൾ വണ്ടി എവിടെയെങ്കിലും തട്ടിയാൽ അവർക്ക് ഓടിക്കാൻ അറിയാത്തതാണെന്ന മനോഭാവമാണ് മിക്കവർക്കുമെന്ന് പറയുകയാണ് ആര്യ. ആരോടിച്ചാലും വണ്ടിയാകുമ്പോൾ തട്ടും. അത് എത്ര ശ്രദ്ധിച്ചാലും ചില സന്ദർഭങ്ങളിൽ അപകടമുണ്ടാവും. അതിനെ പെണ്ണ് ഓടിച്ചത് കൊണ്ടാണെന്നും, അവൾക്ക് ഓടിക്കാനറിയാത്തതാണെന്നും കാണരുത്. ഡ്രൈവർ സീറ്റിൽ എന്നെ കണ്ട് ഇറങ്ങിപ്പോയവരുണ്ട്. ഇതുപോലൊരു പ്രൈവറ്റ് ബസിൽ പെണ്ണ് ഓടിച്ചിട്ട് ബ്രേക്ക് പിടിച്ചപ്പോൾ എല്ലാവരും കൂടെ വന്ന് വീണു. അതുപോലെയായിരിക്കും ഇവൾ ഓടിച്ചാലും എന്ന് കളിയാക്കി പോവുകയായിരുന്നു അവർ, ആര്യ വ്യക്തമാക്കി. Click Here to free Subscribe: https://bit.ly/mathrubhumiyt Stay Connected with Us Website: https://www.mathrubhumi.com/ Facebook-   / mathrubhumidotcom   Twitter- https://twitter.com/mathrubhumi?lang=en Instagram-   / mathrubhumidotcom   Telegram: https://t.me/mathrubhumidotcom Whatsapp: https://www.whatsapp.com/channel/0029... #ksrtcswift #womendriver