A song of Sri Lankan Kaffir - සිරම්බිඅඩියෙන් ඇහෙන කාපිරි ගීතය| Kelum Kumara | darkroom.lk

A song of Sri Lankan Kaffir - සිරම්බිඅඩියෙන් ඇහෙන කාපිරි ගීතය | Kelum Kumara Mohottige | darkroom.lk #Darkroom #songofSriLankanKaffir #Sirambiadiya, Puttlam සිංහල කාපිරින්ගේ මාඥ්ඡා සිංදුව අමුතුම භාෂාවකින් ගීත ගායනා කරන, නිතර ප්‍රීතියෙන් කල්ගත කිරීමට කැමති, කාල වර්ණ සමකින් යුත් ලංකාවේ කාපිරි, නැතහොත් ‘සිලෝන් කැෆර්’ යන නම්වලින් හැඳින්වෙන ජනතාවක් අදටත් ජීවත් පුත්තලම ‘සිරම්බිඅඩිය’ ගම්මානයේ ජීවත් වෙනවා. ඔවුන්ගේ ඉතිහාසය සොයාබැලීම කුතුහලය දනවන වැඩක්. අඳුරු මහාද්වීපය ලෙස සුද්දන් විසින් හැඳින්වුණු අප්‍රිකාවෙහි, සහරාවට දකුණු දෙසින් වාසය කරන නිග්‍රෝ ජන ප්‍රජාව මෙරටට මුලින්ම පැමිණෙන්නේ පෘතුගීසින් මෙරට පාලනය කළ සමයේ දී යි. වහල් වැඩ කිරීම සඳහා ඔවුන් මෙරටට ගෙන්වා ඇති අතර, පුත්තලම සිරම්බිඅඩියේ පදිංචි කාපිරි ජනතාව මෙරටට පැමිණ ඇත්තේ මොසැම්බික් නම් අප්‍රිකානු රටෙන් බව යි පැවසෙන්නේ. මුදු සහිත හිසකෙස්, කළු වර්ණය, විශාල තොල්, නාසයේ හැඩය, කන්වල හැඩය ඔවුන්ගේ අප්‍රිකානු ජානවල ලක්ෂණ යි. අදටත් මේ කාපිරි ජනතාව යම් අනන්‍යතාවයක් රැක ගනිමින් සිරම්බිඅඩිය ගමෙහි ජීවත් වෙයි. අද වනවිට සිංහල භාෂාව කතා කළත් ඔවුන්ට ආවේනික ගීත අදත් සිරම්බිඅඩියෙන් ඇහෙනවා. සාමාන්‍ය ව්‍යවහාරයේ දී කපිරිඤ්ඤා ලෙස හැඳින්වුව ද, ඔවුන්ගේ ගීත කලාව හැඳින්වීමේ නිවැරදි පාරිභාෂික වචනය "මාඤ්ජා ගීත කලාව” යන්න යි. ඩෝලය යි, පොල්කටු දෙක යි, රබාන යි, බෝතලය යි, කාසිය යි, පොල්කටු හැඳි දෙක යි උපයෝගී කර ගනිමින් මවන නාද රටාව ඔවුන්ටම ආවේණික වූවක්. මේ ගීත ගායනය ආරම්භ වන්නේ පහළ ස්වරයකින්. ක්‍රමක්‍රමයෙන් වේගවත් වන සංගීතය ඉහළ ස්වරයෙන් ගීතය ගැයෙද්දී නර්තනයේ යෙදෙන අය ඒ වේගය වැඩිකරමින් නටනවා.