BIZIMANA J DAMASENI UMUROZI W'URWANGO MU BANYARWANDA / Igice cya 2.

Ikiganiro na Padiri Fortunatus Rudakemwa. Ibinyoma Minubumwe JD Bizimana akwirakwiza bigamije kuroga urubyiruko akoresheje amateka agoretse. Ijambo rya JD Bizimana mu nama y’igihugu y”imishyikirano taliki ya 24/1/2024 Muri make dore ibyo yagarutseho mu kwibasira abanyarwanda bo mu bwoko bw’abahutu, no kurengera ubwoko bw’abatutsi muri rusange 1. Aho twavuye, aho duhagaze, ibyo duteganya gukora mu kwongera ubumwe 2. Mbere ya 1962, abazungu bari bafite politike ya « mbatanye mbategeke » 3. Guhera muri 1959 na 1962, politike ya RUBANDA NYAMWINSHI yari ishingiye kw’ivanguramoko n’itotezabatutsi 4. Muri Congo idéologie ya RUBANDA NYAMWINSHI yazanye ishingwa ry’umutwe wiswe MAGRIVI 5. Guhera muri 1973 idéologie ya Rubanda nyamwinshi yarakomeje, hiyongeraho itoteza n’ivangura batutsi, ndetse hiyongeraho ko prefegitura ebyiri Ruhengeri na Gisenyi zihariye 65% mu mashuli, mu milimo ya Leta no mu gisilikare : ivangurabwoko n’ivangurakarere biraganza, igitugu no gutanya abanyarwanda 6. 1991-1994, RUBANDANYAMWINSHI yongerewe ingufu ihinduka HUTU POWER ubumwe burakendera bukurikirwa n’itsembabatutsi muri 1994 ryahitanye abatutsi miliyoni mu mezi atatu 7. FPR yahagaritse jenoside ivanaho umwiryane igarura ubumwe bw’abanyarwanda 8. Ubutabera bwagize uruhari mu kwimakaza no kwongera ubumwe hagati y’abanyarwanda 9. Imbogamizi : ubwinshi bw’abanyabyaha, ikibazo cy’impunzi zirenga miliyoni 2 zari zimaze gukora jenoside n’izindi zafatwagaho ingwate n’ingoma yari imaze gukora jenoside 10. Nyuma yo kubohora u Rwanda (!) FPR Inkotanyi yemeye gusangira ubutegetsi hakurikijwe ingamba zo kwunga abanyarwanda : gvt, inteko ishinga amategeko,amashyaka arasaranganya, gisilikare, polisi, ….. 11. Impunzi z’abahutu nizo zazanye umwiryane hagati y’abanyekongo kuko zahageze zikica abatutsi b’abanyekongo ndetse bakanigisha abanyekongo bandi kwanga abatutsi 12. Muri 1995….Abajenosideri bateye u Rwanda baje kwica abatutsi barokotse jenoside 13. Gukemura ikibazo cy’impunzi : FPR yerekanya ko ikunda abanyarwanda bose, ibasanga aho bahungiye ibacyura mu rwababyaye, ikoresha uburyo bwose, n’indege 14. Impunzi zatahutse zishimira FPR ko yabafashije kwiyunga n’abo bari bamaze gukora mu nda 15. Kuva icyo gihe, ubumwe bwariyongereye kurenza urwego rurenga 90% 16. 2017 leta y’u Rwanda ibyumvikanyeho n’imiryango mpuzamahanga, yasanze ko nta mpunzi nyarwanda zigomba gukomeza kubaho, bafata icyemezo ku rwego mpuzamahanga 17. Nta mpunzi nyarwanda zikibaho kuva icyo gihe. Abanyarwanda baba mu mahanga si impunzi, ahubwo ni abatoranyije kwibera mu mahanga batarirukanwe na leta 18. Inkiko za Gacaca zatangiye imirimo muri 1996, ziburanisha abajenosideri barenga miliyoni 19. Imanza za Gacaca zongereye ubumwe mu banyarwanda : Gacaca yaburanishije abajenosideri barenga miliyoni, abakoze jenoside biyunga n’abo biciye ababo 20. Abacikacumu biyunze kandi babana neza n’ababiciye ababo 21. Umusaruro wa Gacaca wongereye intera y’ubumwe ku rugero rurenze 96% 22. Abanyarwanda barenga 90% bumva neza amateka y’u Rwanda 23. Abaturage bibonamo inzego z’ubutegetsi iza gisilikara na polisi, bakorana nazo umunsi ku munsi zitabahutaza (amashyi…) 24. FPR-inkotanyi yakuyeho ibyangombwa ndangamuntu zarimo amoko zatanyaga abanyarwanda (gusobanura amateka y’iki kibazo cy’amoko) 25. FPR yazanya isaranganya ry’amasanzu n’umutungo mu Banyarwanda, iyi politike nayo yongereye ubumwe n’ubwiyunge 26. Abahoze mu gisilikare cyakoze jenoside nabo binjijwe mu nzego za gisilikare gishya nyuma yo kwoherezwa mu kambi ya MUTOBO guhabwa inyigisho zibigisha amahame y’ubumwe n’ubwiyunge 27. Benshi mu bakoze jenoside barababariwe 28. Inzego z’ubuyobozi zaravuguruwe zegerezwa abaturage 29. Hashyizweho imirimo nsimburagifungo ariyo TIG 30. FPR yatangije umuco wo kwimakaza ibiganiro bikorwa buri mwaka mu nama y’igihugu y’imishyikirano ifasha abanyarwanda kwongera icyizere hagati yabo 31. Icyizere cy’ubuzima (espérance de vie) kitageraga ku myaka 45 muri 1994 ubu gihagaze kuri 69% 32. Umwanzuro : amahoro ni yose, ubumwe n’ubwiyunge byagezweho, bikeshwa ubuyobozi bwiza n’ubushishozi bwa HE 33. Imbanganizi nuko abayobozi b’ibihugu by’abaturanyi, RDC n’uBurundi byivanze muri politike y’u Rwanda, bigamije kugarura umwiryane hagati y’abanyarwanda. 34. Prezida Tshisekedi na Evariste Ndayishimiye bagarutse amagambo yo gukurura urwango ku Batutsi nkuko uwari ministre wa LD Kabila witwaga Yerodia Ndombasi yigeze kuvuga ko Abatutsi ari vermine, utuyoka, ko bagomba kubaminjiramo imiti yo kubarimbura. 35. Muri ibi bihe, muri RDC hateye imvugo yo kwangisha no gukorera Abatutsi n’abanyamulenge jenoside.