Araz Imanov, Rəşad Haşımov & Teymur Süleymanbəyli - Sən yox, mən idim

Musiqi: Araz İmanov Sözlər: Ramiz Rövşən Aranjiman: Rəşad Haşımov Saksafon: Teymur Süleymanbəyli Səs rejissoru: Oleq Naumov Sözlər: Sən getdin... mən pəncərədən durub sənə baxırdım, Səni hələ görə-görə səninçün darıxırdım. Öpüşünün yeri hələ istiydi dodağımda - Mənsə sənsiz darıxırdım pəncərə qabağında. Sən döngəni burulanda ürəyim lap sıxıldı, Elə bildim, bircə anda pəncərədən yıxıldım... Yox, mən ki öz yerimdəydim, o yıxılan nəydi bəs? Bu ömrümdən birdəfəlik o yox olan nəydi bəs? O yox olan ömrümüzün bu günü, saatıydı, Bu günün rəngi, qoxusu, bu günün öz dadıydı. Sən gedirdin; təzə-təzə görüşlər ümidində. Mən bilirdim; həmişəlik ayrılırıq bu gündən. Mən bilirdim; bu gün axşam məni səfər gözləyir, Başı üstdə ulduz yanan bir yad şəhər gözləyir. Ömrün təzə səhifəsi açılırdı qabaqda, Amma sənə bircə sətir yer yoxdu o varaqda... Sən mənimçün daha ötmüş, bitmiş bir dünən idin. Sən gedirdin.. bilmirdin heç, gedən sən yox, mən idim... #Azərbaycan #Azerbaijan #Азербайджан