भोजपुर यात्राको दोस्रो दिन पाङ्खाङदेखि फोङ्लासम्म ।

भोजपुर यात्राको दोस्रो दिन पाङखाङ्बाट फोङ्लासम् को यात्रामा हामीले बाबाको चौतारामा लगाएको किताब-ढुङ्गा हेरियो। मेरो जन्मघरसम्म पुग्यौं, यो घरमा पुग्दा एकदमै म भावुक भएँ किनभने हाम्रो बाबाले बोकेर ल्याउनुभएको थाम दलिनहरू सबै अहिले पनि जस्ताको-तस्तै छ । त्यही बाबाको चिनो सम्झेर एकदम मन भारी भयो। अनि बाबाको चौताराको किताब-ढुङ्गाले पनि भावुक बनायो। हामी छोराछोरी सबै आ-आफ्नो भविष्य खोज्दै पलायन भयौँ तर हाम्रो बाबाको चौताराको किताब-ढुङ्गा चाहिँ त्यो हालतमा बसिरहेको रहेछ।अहिले भने, बाबाको यो चौतारालाई फेरि पहिलाकै हालतमा तयार गर्न सकिन्छ सकिँदैन होला भन्ने मलाई मनमा खट्किरहेको छ।