خالد ال بريك &مبارك بن رادعه 🔥 ال عمار اسمهم بين وفزعتهم سريعه 🔥مهداة لـ ناصر حمد ابن عنيزان ال عمار

ال عمار اسمهم بين وفزعتهم سريعه 🔥 قصيدة مهداة الى ناصر بن حمد الم عنيزان ال عمار كلمات مبارك بن رادعه اداء خالد ال بريك تنفيذ بصمة الابداع كلمات العمل هايفت شمس العصر على المراقيب الرفيعه قبل اعدل في مواعيدي واغير في قراري قد قطعت الشور الاول باخذ الصبح وتبيعه وابعد المسراح والمسرى / على سارح وساري من تعود يعتمد على القرارات السريعه ماحسد من يعتمد على القرار الاختياري ماشريت الجيب من راعيه بـ اعود وابيعه مشتريه لـ نطحة الواجب ونوعين الطواري آدرى ان وصفة هبوب النود في الارض الوسيعه افضل انواع العلاج اللي / مايكتب الاستشاري ودي آسمع عقب صوت المنطقه صوت الطبيعه واتمادى لين آعوض طول / صبري وانتظاري المطر عقب الدهر مثل الوصل عقب القطيعه والبدو عقب المطر جاء عندهم نيه وطاري العجل منهم قطع من عند شويه والرفيعه والبطي منهم / يهوجس في مقاطيع الكباري يتبعون اللي لامن طاح الحياء ترعى / ربيعه قبل تلعااه الهبوب وتختلف الاثاري ماخذو حب ابلهم / مثل العذر والا الذريعه للوصول / ولـ النشاط المعرفي والا التجاري بعض الاشياء ترتبط بـ المرجله قبل الطبيعه مثل مدح اللي على كسب الثناء والمدح ضاري يابن عنيزان / طيب الروس مايوخذ بديعه تثبته طيب الفعول اللي لها كاتب وقاري وانت فيك المدح وجهه طلق وحصونه منيعه يطلق حجاج القصيد ويطلق حجاج المماري طيب ساس وطيب راس وعالية قوم وطليعه مال وقفاتك شبيه ولا لـ ميقافك مجاري كل ماكبرت على اللي موقفه مايستطيعه يقلط اسمك بـابو محمد / مقاليط انتحاري تنطح الواجب ولاترضى على ربعك هزيعه جعلهم من حر فقدك مايهلون / العباري يذكرونك فالديات اللي على حكم الشريعه مثل ماتطري عليهم فاللزوم الاضطراري نمدحك في حفل من كفه ووقفاته شجيعه ناصر اللي فيه من طيبك ووقفاتك مواري يقطع الراي القوي لا راحت الارياء نزيعه وا اعتزى بـ ابو حمد والا اعتزى بـ آخّو مشاري كنّه يجدد فعول اللي مضاربهم قطيعه يوم عاد الضرب حامي / بالسيوف وب الشباري قبل ياتي لـ الحكومه في رقاب الشعب بيعه والامن معدوم والفريّس في حالة طواري كل ماركبو على اللي تلحِق الصايح / فزيعه لبسو الجوخ الحمر واقفو على سفن الصحاري ال عمار اسمهم بيّن ووفزعتهم سريعه لا اقبلت دهم المهار / محمله والا عواري جمعهم وقعه على جمع العدا مثل الفجيعه يخلي ظهور المهار ويشبع بطون الضواري والدواسر ذكرهم طيب وسمعتهم رفيعه كل ماجاء للثناء والمدح بين الناس طاري .. للتواصل والاستفسارات : الحسابات الرسمية لـ منصة بصمة الابداع . ‏Official Whatsapp : الرابط محادثة الواتساب المباشر : https://wa.me/message/4GKUGHJQFDZTC1 +966562778026 ‏Official Snapchat :   / a_thane2   ‏Official Twitter :   / a_thane2   ‏Official Instagram :   / a_thane2   ـــــــــــــــــــ