朱晨麗一日兩次拉頭馬夠旺場 | 緋聞男友史昊洺影相分開企避嫌？

今日沙田馬場舉行泥草混合賽，10場賽事分為8草2泥，兩場泥地賽事就係第六場四班1200米、以及第八場三班1200米。先講第六場四班1200米，最終由賀賢訓練的「勁先生」後上贏馬，打開勝門。「勁先生」馬主史立德今日無入場，由其子史昊洺主持大局，在凱旋門代拉頭馬，原先無甚特別，無甚話題！不過影完頭馬相後，就見到史昊洺的緋聞女友2011年香港小姐冠軍朱晨麗，以及另一藝人白雲行落來一齊在凱旋門影相。這樣就有話題，剛剛「香港零一」今日就出了朱晨麗的專訪，專訪說朱晨麗一提到史昊洛，立即甜笑滿面，問到她同史昊洺的關係，朱晨麗簡單回答是，「男仔朋友，我們關係都不錯的，比正常朋友再親近一點！」情侶關係可以說是呼之欲出啦！這個專訪今日一出，「勁先生」立刻贏得頭馬，認真巧合。 來到第八場三班1200米泥地，就由蘇偉賢訓練的「勝意龍」勝出頭馬，賽後又見到朱晨麗同史昊洺一齊在凱旋門拉頭馬，這次不是如「勁先生」這樣前後腳，雖然兩人同時間落去，但係是並無企埋一齊，中間還是隔住幾個人。無論如何！一日兩次拉頭馬，這對緋聞情侶真係夠旺！認真好運。 除了朱晨麗以及白雲，今日沙田馬場都有不少靚女入場，頭場四班千六米，就有日藉女模特兒松岡李那在馬匹亮相圈，佢今日入場係支持一號馬「君智盛」。而第二場五班千四米，十號馬「星火燎原」就有一眾靚女撐場，呢班靚女有著短裙、有著露背裝，真係好吸睛！ #GoRacingHK #ShatinRacecourse #SeasonOpening #沙田馬場 #香港賽馬 #沙田馬場 #香港賽馬會 #騎師 #馬會 #horse #horseracing #hkhorse #賀賢 #勁先生 #勝意龍 #蘇偉賢 #朱晨麗 #泥地 #史昊洺