धान रोपाई कार्यक्रम: किसान साकोस ३१औं स्थापना दिवसको अवसरमा

किसान बचत तथा ऋण सहकारी संस्था लिमिटेडले आफ्नो ३१ औं स्थापना दिवसको अवसरमा विभिन्न कार्यक्रमहरू आयोजना गरिरहेको छ। यसै क्रममा आज असार १४ गते अरुणखोला सेवाकेन्द्र अन्तर्गतका शेयर सदस्य श्री दुल्लार चौधरीको ५ कट्टाभन्दा बढी खेतमा धान रोपाइँ कार्यक्रम उल्लासपूर्ण रूपमा सम्पन्न भएको छ। संस्थाका अध्यक्ष श्री भोजराज पौडेलज्यूले कार्यक्रमको उद्देश्य र महत्त्वमाथि प्रकाश पार्दै धान रोपाइँको सुरुवात गर्नुभएको थियो। सामूहिक श्रम र सहकारीको भावनालाई प्रवद्र्धन गर्ने उद्देश्यले आयोजित उक्त कार्यक्रममा संस्थाका पदाधिकारी, कर्मचारी र शेयर सदस्यहरूको बाक्लो उपस्थिति रहेको थियो। रोपाई कार्यक्रममा संस्थाका सचिव सरस्वती कँडेल, सञ्चालक सदस्य पार्वती कुमारी बराल, प्रमुख कार्यकारी अधिकृत सञ्जयराज तिमिल्सीना, विभागीय प्रमुख प्रेम प्रसाद अधिकारीको सहभागिता रहेको थियो। त्यसैगरी, अरुणखोला सेवाकेन्द्रका सह–संयोजक रश्मी देवकोटासहित सेवाकेन्द्र व्यवस्थापन समिति, अन्य कर्मचारीहरू तथा स्थानीय शेयर सदस्यहरू मिलेर सामूहिक रूपमा धान रोपेका थिए। स्थापना दिवसका अवसरमा संस्थाले यस्ता उत्पादनमुखी र सामाजिक कार्यहरूलाई निरन्तरता दिँदै आएको छ। २०५२ असार १५ स्थापना भएको किसान साकोसले प्रत्येक वर्ष आफ्नो स्थापना दिवसको अवसरमा सदस्य र समुदाय केन्द्रित विविध कार्यक्रमहरु गर्दै आईरहेको छ । https://kisan.org.np [email protected]