吳文忻深圳治療揭癌細胞擴散腦部 保持積極樂觀誓要成癌症生還者

吳文忻深圳治療揭癌細胞擴散腦部 保持積極樂觀誓要成癌症生還者 一直努力抵抗乳癌嘅 吳文忻 早前指自己病情有惡化情況，而一眾好友更同佢一齊參與生前告別會，情況令外界關注，當時Nathaliie已指將往深圳接受治療，而佢近日亦於社交平台公開新片，公開自己嘅最新病況。 Nathaliie早前指自己因胸部流膿而發出惡臭，加上體力與精神欠佳，感覺自己有如屍體一樣，覺得自己生命力只剩餘四分之一。而上周四佢已到深圳嘅醫院接受治療，因病友而決定北上求診嘅佢，仲巧合被安排同朋友同房。經過幾日就診後，Nathaliie更大讚醫院服務極佳，加上收費比香港相宜唔少，令佢非常滿意。 不過佢亦提到經詳細檢查後，發現癌細胞已擴散至腦部左、右兩邊，令佢更受打擊，佢更直言當晚自己難忍落淚。不過Nathaliie亦轉述醫生指，若正使用嘅化療藥有效，將可對抗殺死全身體嘅所有癌細胞，而佢亦指平靜後對自己戰勝癌魔更有信念，亦認為自己終將可以康復，非常積極咁話自己會成為癌症康復者，到時更一定會同大家好好分享見證。 #吳文忻 #乳癌 #深圳 #四分一條命 #死屍 #大讚醫院 #擴散腦部 #積極 #癌症生還者 #見證 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0