مرثية المرحوم الشيخ : حسين بن مهدي آل حيدر كلمات الشاعر : فهد بن فريك الصقور

تسعين ليل(ن) مانظرت الهلالي ياخال بعدك في السجن ذقت الأمرار قيد(ن) برجلي مجّوله في عقالي وفي إيدي كلبشه كبّلوها بالإجبار أصيح بأعلى الصوت وأنا لحالي من عطف زنزانه وبيبان وأسوار مازد بقاء بين العقل والخبالي إمن السهر كون إشعره والله ستار وشليت حمل(ن) منه ترغي الجمالي وصاليتها ودروبها سحق وأخطار ثم نازت جنوبي الحمول الثقالي وأروست بحمولي مواكير الأحرار وجريت من بدع القصيد الجزالي في إللي عطوني جثته وقت الأسحار سبحانك الله ياعظيم الجلالي يالقابض الوارث ويالنافع الضار يالله تلهمني الصبر وأنت والي وإن إتعصم قلب(ن) من الضيق منهار الإثنين ليل إمطعن(ن) بالسلالي أمحق علي علمه ويومه والأخبار حظ المنايا من تنزاع خالي يوم إخرجت روحه قبل سابق إنذار كسر إظهري كسراه ياأحب غالي على الوعر حديتني دون ماأختار من ساع راسك فوق الأمتان مالي روحك زبدها في طرف شاربك سار متبسم(ن) ميت وهو ذا إقبالي وأنا مثل بركان من حرته ثار تصفق يميني من قهرها الشمالي مستامن(ن) الوقت والوقت بوّار قمت أعتزي وأنعت وياهملالي وأسير كأن الإيدي والأرجيل بهجار ياوجد عيني وإفزعوا ياخوالي ماعاد في ثوبي من الفجعه إزرار وجدي عليه ومنه يابري حالي والويل ويل مهاجرينه والأنصار ليته كفاني شر سود الليالي وأنا كفيته شر قصّاف الأعمار حيل الله أقوى ماترك لي مجالي إلا قتلني حي مع سبق الإصرار فرقاه عندي شي فوق الخيالي ولاني بمستوعب يكون إنه تذكار وتجاذب الأرواح ليس بمحالي لأن المقام إيطهره سبعه أطوار وأصلّت نعمات العقل للهبالي قعر البحور الحندس صخور وأحجار وبعشرة عقول البدءّ والمآلي عرفت الإيمان الحقيقي والإنكار وآمنت بإن حن من تراب الرمالي منه وإليه نعاد ثم نخلق أدوار دنيا(ن) مخلفات المنى والنوالي ثوبك كفن وبيوتك حيود وإحفار مرحوم ياشيخ أنقضت به الأجالي وأقفاء ولا زاد أمتلت منه الأنظار في المقديه في ذمتي مايمالي وعند ربخات الحجج شيه مختار يعباء له من الهيل عطف الدلالي على صرايم من قرض داخل أوجار وتحلب له المصغر من الدرّ حالي وينحر له من الحيل مردومه إفقار حسين بن حيدر زبون الرجالي يوم العزاوي والرمك عجّ وغبار وقفّ وفكّ معقدات الحبالي وأستامنت به ديرته وأمّن الجار للمبتلي أقرب له من الظلالي وللعمى كأنه تباشير الإبصار كامل ولله المثل في الكمالي ومؤمن تقي ومن الميامين الأبرار يركع ويدعي الله ويسجد موالي وقت الضحى وإيناء ليله والأفجار والكايده ماهو لها بإتكالي راسه يناطحها على سرّ وجهار يقلط لها شايب وعند القبالي ياتيك غمر(ن) يدعس الموت جسّار ماهو بشيخ(ن) من شيوخ الريالي ولا بشيخ(ن) شيخته جات بإقرار ولا بشيخ(ن) شيخته للهزالي ولا بشيخ(ن) شيخته سحت وقمار ولا بشيخ من النواميس جالي ولا بشيخ(ن) ماله عكوف منقار إلا ورب إللي نجومه إتلالي إللي من أنوار القمر صارت أقمار إنه ولد شيخ(ن) ثم إنه يصالي لألتفت السيقان من فوق الأمهار عزوته بن مانع صعيب المنالي يعلق ذبايلها مشاذيب وقهار له في مقام الطيب فعل ومقالي ويرد قنطار البراء بألف قنطار شامخ مثل جلمود صمّ الجبالي وخيول ربعه ماهي بكدش وقصار يضرب نهار الكون عند القتالي ومجده حليف(ن) يتبعه وين ماسار درع(ن) منيع وقرم عدّه إزلالي وربعه معه للعز تاتيك ثوّار شيخ(ن) ولد شيخ(ن) وعند النزالي قرم(ن) علي العار عار(ن) على عار إحكاه يصهل كلبيه إرتجالي تسري به الركبان والريح صرصار وفي مقدم السربات ماهو بتالي ويصبّح القيمان ويجوب الأقطار إنه لطم عدوا العدو للزوالي وإنه عطاء عدوا المفاليس تجّار وجدي على فرقاك ياراس مالي من عاد لي بعدك على جور الأقدار قد قلت لي إنك يافهد من عيالي وإنك معي في إللي صغيرات وكبار وإنك إبي وإنه لما ضاق بالي بتجي وتجعل أكبر همومي صغار وأقفيت وأنا أبكي ومن ماجرالي غديت كنّي ريشة(ن) بين الإعصار وأدعيك وأنعت وألزمك ماتبالي مثل العرب توّ العجم يوم ( ذي قار ) ومثل أمي أبكي منك ماني بسالي ومن لا بكاء فرقاك ياجعله النار وتبكي عليك أحرارها والموالي وتهجرع إبلك كلها ثلب وبكار ويدق صدره كل من هو نضالي يبكي عليك وهو من الجور صبّار قتلت الأحياء دون شك وجدالي وبيّحت ريضان القوافي والأشعار ومصابنا ماأظن بعده تشالي ياسيفنا إللي في المواجيب بتّار مرحوم ياأغلاء كل ماهو حلالي إلى الجنان إللي نماريق وأنهار وجعل البروق إللي تلوب المخالي تسقي نصايب قبرك مزون وأمطار عشت ورحلت ومرقبك راس عالي وفي نعيم الآخره بين الأطهار وجعلك من الناجين عند السؤالي وإن النعيم وجنه الخلد لك دار وجعل العطايا دقها والجلالي تارد على الحسنات وتجيك صدار وياكبد كبدي ياحميد الخصالي ويش العوض ؟ لو عوضوني ؟ وش أختار ؟ ماهو يعيض البلّ فيها العقالي ولا يعيض إللي فقد الأخذ بالثار قالوا لي أنساء قلت ياليلبالي أنساه وأنا له صناديق الأسرار ؟ لو كان تنسى الأمهات العيالي ويكمل لبنها بعد ماكان مدرار وتشرق علينا شمسنا من شمالي وينسى الورق مايكسي غصون الأشجار والله ماأنساء من كريم السبالي لو النحل ينساء رحيقه بالأزهار والله العظيم إن ودي إنه بدالي وإني بقبره تحت رجليه بأمتار بأبكي بروس النايفات الطوالي ثم بأعتزي وأبكي على غير مقدار ياعين خلي القاع تحتي هجالي مافي جبل فرقاه سدره ولا غار يبكي رعوم وزد بكاه الطيالي ويبكي جبل همدان وجبال سنجار وتبكيه ربعه وايله بإشتعالي ودهم _ ويام _ وكل همدان _ وسحار ويالموجعه حيل الله أقوى تعالي وغصّي جريري بعده بشوك صبّار ليته كفاني شر سود الليالي وأنا كفيته شر قصّاف الأعمار الشاعر / فهد بن فريك الصقور