Şəhid Məhəmmədəlinin ilində ANALAR mərsiyə dedi - Ağdam

Bu gün şəhid Məhəmmədəli Məhhəmədəlizadənin ölümündən bir il ötür. Onun anım günündə şəhidlər xiyabanında xeyli insan onu ziyarətə gəlmişdi.. Hər kəs şəhidin ruhuna dualar oxuyur onun döyüş yolundan bəhs edirdi. Onlar arasında şəhidin ailə üzvlərini, yaxınlarını, Ağdamlı şəhid ailələrini, qaziləri və rayon sakinlərini misal çəkmək olar. Şəhid Məhəmmədəli Məhəmmədəlizadə. İkinci Qarabağ müharibəsində şəhidlik zirvəsinə ucalan, müqəddəs amallar uğrunda döyüşən, qorxu nə olduğunu bilmədən Vətən və xalq yolunda canını fəda edən şəhidlərimizdən biri də Məhəmmədəli Asif oğlu Məhməmmədəlizadədir. Məhəmmədəli 28.04.1992-ci il tarixində Ağdam rayonu Güllücə kəndində dünyaya göz açmışdır. Vətən müharibəsi başlayarkən gözünü də qırpmadan şiddətli döyüşlərdə iştirak etmiş, 2020-ci ilin sentyabr ayında şəhadətə yüksələrək əbədi həyata qovuşmuşdur. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamına əsasən Məhəmmədəli Məhəmmədəlizadə ölümündən sonra "Vətən uğrunda" medalı ilə təltif edilmişdir. Allah rəhmət eləsin. Məkanı cənnət, ruhu şad olsun!