Rakip Roli u qëllua me breshëri sapo doli nga banesa/ Kërkohen babë e bir si autorët e krimit -

http://www.vizionplus.tv   / vizionplustv     / vizionplustv     / vizionplustv   Një atentat me armë zjarri tronditi Laçin këtë të premte. Rakip Roli, 55 vjeç u ekzekutua me breshëri plumbash nga të paktën dy persona teksa ishte duke lëvizur me makinë. Ngjarja ndodhi rreth orës 08:45 ,në fshatin Sanxhak. Viktima sapo kishte dalë nga banesa, kur u qëllua për vdekje. Atentatorët, sipas policisë, i kishin zënë pritë dhe ishin në këmbë. Ata hapën zjarr me kallashnikov sapo panë biznesmenin t’u afrohej e më pas u larguan me shpejtësi. Këto janë pamjet e automjetit të 55-vjeçarit: në të gjithë makinën ka shenja të plumbave, shtatë prej të cilëve përfunduan në trupin e viktimës. Nga të shtënat u rrezikua dhe jeta e kalimtarëve të rastit. Kjo pasi gjatë momentit të ekzekutimit Rakip Roli humbi kontrollin e makinës dhe u përplas me një automjet tip “Benz” që po kalonte aty afër e më pas përfundoi në kanal. Fatmirësisht nuk pati persona të tjerë të lënduar. Ndërkohë në tentativë për t’i ardhur në ndihmë të atit, njëri nga djemtë e viktimës humbi kontrollin e makinës dhe u përplas me një shtyllë ndriçimi. Ai u dërgua në spital për ndihmë mjekësore. Ende nuk dihet shkaku i vrasjes, ndërsa dy pistat paraprake janë konfliktet personale te 55-vjeçarit si dhe prishja e pazareve të drogës. Në vitin 2011, Rakip Roli u procedua pasi së bashku me katër persona të tjerë dhunoi me mjete të forta një 22-vjeçar. Ndërsa pak kohë më parë, djemtë e viktimës u vunë nën hetim për trafik të lëndëve narkotike. Rakip Roli mbante dhe emrin Pilot Rroli. Ai ishte baba i tre fëmijëve, ndërsa menaxhonte një biznes materialesh ndërtimi në qytetin e Laçit. Policia organizoi menjëherë kontrolle në të gjithë zonën për kapjen e autorëve. U sekuestruan kamerat e sigurisë të bizneseve përreth, si dhe u morën dëshmitë e para të personave që panë ngjarjen si dhe familjarëve. Pas verifikimeve u shpallen në kërkim si persona të përfshirë në krim Skënder Likaj dhe djali i tij, Llej Likaj. Sipas burimeve, dy familjet kanë pasur një konflikt së fundmi. Subscribe: https://www.youtube.com/user/vizionpl...