Mbyllen hetimet për vrasjen e dyfishtë në Laç/ Prokuroria me prova të forta kundër autorëve

Shtatë muaj nga vrasja e dyfishtë e Bujar Likës dhe Paulin Gjergjit, prokuroria mbylli hetimet dhe dërgoi nën akuzë katër persona, për akuzën e vrasjes në rrethana cilësuese. “Viktimat ishin me influencë në zonën e Laçit dhe vrasësit ishin të mirëpërgatitur dhe me role të paracaktuara, por ne nuk mundëm të gjejmë motivin”, pohon në mbyllje të hetimeve prokuroria, për vrasjen e dy burrave që u vranë në një biznes, teksa po pinin kafe. Si provë janë sjellë një sërë kamerash sigurie, jo vetëm në biznes, por edhe në spitalin ku u dërgua të kurohej Eduart Lamaj. Këto janë çastet kur një muaj pasi kishte kryer krimin, i akuzuari kryesor për vrasjen e dyfishtë, Eduart Lamaj përcillet për t’u kuruar në një spital privat në Tiranë, ku dhe më pas u arrestua. Por ndërsa për ditë të tëra ai ia kishte dalë që të fshihej edhe pse kishte mbetur i plagosur nga shkëmbimi i zjarrit gjatë atentatit, policia kishte arrestuar Kreshnik Tushën, një i ri që kishte mbetur i plagosur në një ngjarje tjetër dhe që u akuzua gabimisht për ngjarjen. Tusha nga burgu në atë kohë foli ekskluzivisht për Top Channel, duke treguar se ishte arrestuar gabimisht . Në të vërtetë, në mbyllje, hetimet vërtetuan se Tusha ishte arrestuar gabimisht dhe se autorë të vrasjes së dyfishtë janë katër të rinjtë Eduart Lamaj, Ilir Lika, Klaudio Perkola dhe Oltion Vlashi . Prokuroria thotë se katër të rinjtë u ndihmuan dhe nga persona të tjerë të paidentifikuar, që sipas prokurorisë mbanin armë të kalibrit të lartë. I riu që u arrestua gabimisht po gjykohet veçmas, pasi nuk tregon autorët që e plagosën atë në një ngjarje tjetër. Hetimi u veçua dhe për dy mjekët, të cilët këmbëngulin se nuk kishin dijeni se po kuronin autorin e krimit. Prokuroria hedh poshtë alibinë e Lamajt që insiston se kishte hyrë në lokal për të shkatërruar këtë biznes. Ky krim nuk ishte rrjedhojë e përpjekjeve të autorëve për të shkatërruar lokalin dhe as rrjedhojë e përpjekjeve për të mbrojtur jetën, siç pretendon Lamaj, thotë prokuroria, por ishte një vrasje e organizuar më së miri me qëllim eleminimin e tyre. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Lac#Prokuroria#TopChannel