PAGLAYAG | The Fishermen of Northern Samar

Pangingisda ang isa sa pangunahing pinagkukunan ng kabuhayan ng maraming pamilya sa Northern Samar. Bagama’t mayaman ang ating mga mangingisda sa kaalaman at estratehiya sa pangingisda, kadalasan ay kapos sila sa mga kinakailangang kagamitan at makinarya upang higit pang mapalago ang kanilang hanapbuhay. Sa pakikipagtulungan ng Pamahalaang Panlalawigan ng Northern Samar at ng Bureau of Fisheries and Aquatic Resources (BFAR), nabigyan ng apat (4) na 62-footer Fiberglass Reinforced Plastic (FRP) fishing vessels ang mga asosasyong Talolora CFLC Fisherfolk Association (Palapag), Mapanas Pacific Town Fisherfolk Association, Lapinig Deep Sea Fisherfolk Association, at Maaloula Bangkulis Fisherfolk Association (Laoang). Ang mga ito ay ipinagkaloob sa ilalim ng Tuna Development and Capacitating Municipal Fisherfolk Program ng BFAR. Bawat sasakyang-pandagat ay may kapasidad na makapaghakot ng 3 hanggang 4 na toneladang isda at nilagyan ng malalaking tangke para sa gasolina at malinis na tubig, na mahalaga para sa mas mahahabang paglalayag at pangingisda sa malalayong bahagi ng karagatan. Pinangunahan nina Governor Harris Ongchuan at BFAR Regional Director Dominador Maputol ang pormal na ceremonial turnover ng mga bangka sa apat na asosasyon, kasama ang kani-kanilang mga Municipal Mayor, Noong Mayo 22, 2026. Isa itong malinaw na patunay kung paano ang pagtutulungan ng pamahalaan, mga komunidad, at iba’t ibang sektor ay nakalilikha ng pangmatagalang positibong epekto sa industriya ng pangisdaan at sa kabuhayan ng mga mamamayan ng Northern Samar.