ഈ രാജ്യം ഒരു മന്ത്രിസ്ഥാനത്തേക്കാൾ വലുതാണെന്ന ബോധ്യം കോൺഗ്രസ്സിന് ഉണ്ടാകണം | John Brittas | India

"ആശയപരമായും പ്രത്യയശാസ്ത്രപരമായും രാഷ്ട്രീയപരമായും ബിജെപിയെ നേരിടുന്നതിൽ ഇടതുപക്ഷത്തിനും സിപിഎമ്മിനും കോൺഗ്രസിന്റെ സർട്ടിഫിക്കറ്റ് ആവശ്യമില്ല. അതേസമയം, ഇന്ത്യ ബ്ലോക്കിന്റെ നേതാക്കളെന്ന് നടിക്കുകയും വിലകുറഞ്ഞ ആരോപണങ്ങൾ ഉന്നയിക്കുകയും ചെയ്യുന്നത് ശരിയല്ല. അത് സ്വാഭാവികമായും ഇന്ത്യ ബ്ലോക്കിന്റെ ഒരുമയെ തകർക്കുകയേ ഉള്ളൂ. കേരളത്തിൽ കോൺഗ്രസ് പാർട്ടിയും ഞങ്ങളും ഭിന്നധ്രുവങ്ങളിലാണ് , ഇടതുപക്ഷ ഗവൺമെന്റിനെതിരെ പാർലമെന്റിലും പുറത്തും എന്തൊക്കെ പറയാൻ കഴിയുമോ, അത്രയുമൊക്കെ അവർ പറഞ്ഞിട്ടുമുണ്ട്. എന്നാൽ, മല്ലികാർജുൻ ഖാർഗെയും രാഹുൽ ഗാന്ധിയും കോൺഗ്രസിന്റെ നേതാക്കൾ മാത്രമല്ല; ഞങ്ങളുടെ കൂടി പിൻബലവും പിന്തുണയും ഉൾപ്പെടുന്ന ഒരു സംവിധാനത്തിന്റെ നേതൃത്വം അലങ്കരിക്കുന്നവരാണ്, പ്രതിപക്ഷ നേതാക്കളാണ്. അവർ കേരളത്തിൽ വന്ന് പരിമിതമായ രാഷ്ട്രീയ നേട്ടങ്ങൾക്ക് വേണ്ടി കല്ലുവെച്ച നുണകൾ എഴുന്നള്ളിക്കുകയാണ്. ഇപ്പോൾ ഒരു മന്ത്രിസ്ഥാനത്തിന് വേണ്ടിയും ഒരു രാജ്യസഭാ സീറ്റിന് വേണ്ടിയും അവർ ഇന്ത്യ ബ്ലോക്കിന്റെ ഐക്യമാണ് തകർക്കുന്നത്. തമിഴ്നാട് നിയമസഭാ തിരഞ്ഞെടുപ്പിന് തൊട്ടുമുമ്പ് ഡി.എം.കെ.യുമായി വലിയ വിലപേശൽ നടത്തി മൂന്ന് നിയമസഭാ സീറ്റുകളും ഒരു രാജ്യസഭാ സീറ്റും അധികം വാങ്ങി പോക്കറ്റിലിട്ടു. അതുകഴിഞ്ഞ് തിരഞ്ഞെടുപ്പ് ഫലം വന്നയുടൻ, കണ്ണ് ചിമ്മുന്ന വേഗതയിലാണ് അവർ ടി.വി.കെ.യ്ക്ക് പിന്തുണ പ്രഖ്യാപിച്ചത്. എന്തിനുവേണ്ടിയാണിത്? രണ്ട് മന്ത്രിസ്ഥാനവും ഒരു രാജ്യസഭാ സീറ്റും കിട്ടാൻ വേണ്ടി! ഈ രാജ്യം എന്ന് പറയുന്നത് ഒരു മന്ത്രിസ്ഥാനത്തേക്കാൾ വലുതാണെന്ന ബോധം കോൺഗ്രസ് പാർട്ടിക്ക് ഉണ്ടാകണമെന്നാണ് ഞങ്ങളുടെ അഭിപ്രായം. ഇന്നത്തെ രാജ്യത്തിന്റെ രാഷ്ട്രീയ യാഥാർത്ഥ്യത്തിൽ ഇന്ത്യ ബ്ലോക്കിനെ ശക്തിപ്പെടുത്തിക്കൊണ്ട് മുന്നോട്ട് പോകേണ്ട ഘട്ടമാണിത്. ഇന്ത്യ ബ്ലോക്കിലെ പാർട്ടികൾ തമ്മിലടിച്ച്, അനാവശ്യ ആരോപണങ്ങൾ ഉന്നയിച്ച് പ്രതിപക്ഷ നിരയുടെ തിളക്കവും കുതിപ്പും ഇല്ലാതാക്കരുത്. ഉത്തരവാദിത്തപ്പെട്ട സ്ഥാനങ്ങൾ അലങ്കരിക്കുന്ന വ്യക്തികൾ, നൈമിഷികമായ ചെറിയ രാഷ്ട്രീയ നേട്ടങ്ങൾക്ക് വേണ്ടി ദുരാരോപണങ്ങൾ ഉന്നയിച്ച് ഇന്ത്യ ബ്ലോക്കിന്റെ ഒരുമയെയും ഐക്യത്തെയും പ്രതികൂലമായി ബാധിക്കുന്ന രീതിയിൽ പെരുമാറുന്നത് ഇന്ത്യ ബ്ലോക്കിന്റെ നയമാണോ ? " Welcome to the official YouTube channel of John Brittas, Member of Parliament (Rajya Sabha) and senior journalist. Subscribe to this channel for the latest updates on my parliamentary speeches, political views, and discussions on various social issues affecting our nation. This is the authentic source for all my official video content and public interactions.   / johnbrittasofficial   https://x.com/JohnBrittas   / jbrittas   #JohnBrittas #JohnBrittasMP #KeralaPolitics #IndianPolitics #ParliamentSpeeches