A1 Report - Ersekë, 6 vjeçari i paralizuar, shkak neglizhenca e mjekëve,prindërit apel

(Gazetar, Elkier Bushkolaj) KORÇË - Neglizhenca e bluzave të bardha në maternitetin e Korçës, ka bërë që një vogëlush të mos jetë si bashkëmoshatarët e tij që enden të lirë kudo, por të dergjet në shtrat i paralizuar. Kjo është historia e dhimbshme e Sadikut të vogël nga qyteti i Ersekës, i cili endet i shtrirë në shtrat prej 6 vitesh pa lëvizur. Zanafilla e historisë fillon në qershor të vitit 2009 pas lindjes i mituri preket nga Hepatiti B, gjendje shëndetësore e cila kërkonte përkujdesje të veçantë, ndërkohë që sipas familjarëve mjekët në vend që ta vendosnin fëmijën në inkubator e lanë atë në dhomën e spitalit duke i shkaktuar pasoja të parikthyeshme. Mes dhimbjes që e ka mbërthyer prej vitesh nëna e 6-vjecarit, Keleda Dauti në një rrëfim për A1 Report përgjegjës të vetëm për gjendjen e djalit të saj bën mjekët e maternitetit të Korçës, të cilët i shkaktuan paralizë të përgjithshme . Ndërkohë ajo apelon për ndihmë, pasi sipas saj e vetmja shpresë për rehabilitimin e shëndetit të Sadikut të vogël mbetet fizioterapia jashtë shtetit. "Unë si prind i bëj apel Ministrit të Shëndetësisë në qoftë se e vë dorën në zemër, të më ndihmojë për këtë fëmijë që dhe unë ta nxjerr jashtë shtetit dhe të di çfarë t'i bëjë për fizeoterapi se unë vet nuk kam mundësi, ska ku të vete ku të përplas kokën. S'ka kujt t'i qahem. Jam futur në zyra njëri më thotë nuk jam kompetent unë, tjetri më thotë s'jam unë kompetent." shprehet nëna e vogëlushit. See more at: http://www.shqiptarja.com/speciale/27...