Stërnipi i Skënderbeut vjen për herë të parë në Shqipëri (27 Nëntor 2004)

Lajme Arkiva 2004 Kjo është një histori që ngjan me ato të filmave, që nis në vitet 1400, me të madhin hero të Shqipërisë Gjergj Kastrioti Skënderbeu e që përfundon me pasardhësin e tij ose të paktën atë që pretendon se është stërnipi i Skënderbeut, Aleksandër Kastriot Skënderbeu. Një linjë familjare, të cilën Aleksandri, i cili ka mbërritur për herë të parë në Shqipëri nga Italia e ka prezantuar me pemën e familjes së tij që vërteton prejardhjen. Në pamje të parë është një pasardhës i denjë i familjes së Kastriotëve, simpatik, me një hundë pak të përthyer, një tipar i qartë i heroit tonë. Por edhe në profesion ai është një mjek i shquar, madje ndër shkencëtarët e njohur në fushën e neurologjisë dhe gjenetikës në shtetin fqinj Itali. Aleksandër Kastriot Skënderbeu: “E kam përjetuar me nder të qenët pasardhës i Skënderbeut. Po të jesh pasardhës i një personazhi kaq të rëndësishëm, të krijon pak frikë, pasiguri, sepse nuk mund të jesh kurrë në lartësinë e duhur të figurës së tij. Nëse do të kisha atë kurajo të madhe që do të kishte Skënderbeu, do të ishte mirë, por nuk e kam. Kështu figura e tij ka qenë gjithnjë e pranishme në familjen time dhe mënyra ime për të përjetuar figurën e tij ka ndryshuar me moshën. Kur isha fëmijë ai ishte heroi i mirë që luftone të këqijtë, ndërsa duke u rritur e duke lexuar e studiuar, mësova dhe kuptova se përveç të qenit luftëtar ai ishte dhe një diplomat i madh, një njeri i drejtë që ka menduar të impenjohet gjithë jetën e tij me të gjitha energjitë për nje çështje të drejtë: bashkimin e popullit shqiptar dhe mbrojtjen e vendit nga pushtuesit.” Kjo vizitë e tij përkon edhe me 600-vjetorin e lindjes së heroit tonë dhe ajo bëhet me rastin e promovimit të një libri të titulluar “Skënderbeu, heroi modern”, botuar nga Costanzo d’Agostino. /tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/