E376 | నిత్య కృషీవలుడు | పితాని రాంబాబు, సుభద్ర | కోనసీమ జిల్లా

కోనసీమ జిల్లా అంబాజీపేట మండలం ఒక్కలంక గ్రామానికి చెందిన పితాని రాంబాబు, సుభద్ర దంపతులు ప్రకృతి వ్యవసాయాన్ని జీవన విధానంగా మార్చుకుని ఆదర్శ రైతులుగా నిలుస్తున్నారు. 2017 వరకు రసాయన వ్యవసాయం చేసిన వీరు, రైతు సాధికార సంస్థ ప్రోత్సాహంతో ప్రకృతి వ్యవసాయంలోకి అడుగుపెట్టారు. ప్రస్తుతం రెండు ఎకరాల్లో వరి, మొక్కజొన్న సాగు చేస్తూ గోవుల పెంపకాన్ని వ్యవసాయంతో అనుసంధానం చేశారు. ఘనజీవామృతం, బీజామృతం వంటి ద్రావణాలు ఉపయోగిస్తూ తక్కువ పెట్టుబడితో మెరుగైన దిగుబడులు సాధిస్తున్నారు. కుటుంబ సభ్యులందరూ వ్యవసాయ పనుల్లో భాగస్వాములై, తమ పొలంలో పండిన కూరగాయలు, ధాన్యాలను వినియోగిస్తూ ఆరోగ్యకరమైన జీవనాన్ని గడుపుతున్నారు. ప్రకృతి వ్యవసాయం వల్ల ఖర్చులు తగ్గి లాభాలు పెరగడంతో పాటు ఆనందకరమైన జీవనశైలి సాధ్యమైందని వారు చెబుతున్నారు.