Misteri i vdekjes së 32-vjeçarit në Kolonjë që u ndje keq nga dhëmballa, flasin të afërmit

Një i ri vetëm 32 vjeç humbi jetën për shkaqe ende të paqarta të premten në fshatin Kagjinasi të Kolonjës. Genti Isai kishte 2 ditë me dhimbje dhëmballe. Paraditen e së premtes ai shkoi tek një dentist në Ersekë dhe mori mjekim. Ai u kthye në shtëpi, por disa orë me vonë e ëma e gjeti pa ndjenja në divan. Familja tentoi ta çonte të riun në spital, por qe tepër vonë. 32-vjeçari ndërroi jetë. Detajet për ngjarjen e rëndë i përcjell gazetarja Daniela Zisi, e cila sjell prononcimin e kushëririt të Gentianit. Ai thotë se 32-vjeçari nuk vuante nga ndonjë sëmundje, Dyshimet e familjes janë se i riu mund të ketë pësuar reaksion nga antibiotikët. Ata kërkojnë që të zbardhet e vërteta për shkaqet që çuan në vdekjen e tij. “Gentiani prej dy ditësh kishte dhimbje të dhëmballës. Ishte enjtur dhe enjtja i kishte kaluar edhe në qafë. Dje shkoi në Ersekë tek një dentist dhe mori mjekime. Shkoi në shtëpi dhe pas disa orësh e ëma e gjeti pa ndjenja në divan. Menjëherë lajmëroi bashkëfshatarët të cilët e morën ta transportonin me makinë për në spitalin e Ersekës. Duam të zbardhet e vërteta dhe të dimë nga çfarë vdiq. Ai ishte i shëndetshëm dhe nuk vuante nga asnjë sëmundje. Dyshojmë që mund t’i kenë bërë reaksion antibiotikët që piu për infeksionin e dhëmballës’, u shpreh kushëriri i 32-vjeçarit. Pritet që shkaqet e vdekjes së Gentianit të mësohen nga ekspertiza mjeko ligjore. Një ditë më parë, në njoftimin e saj për mediat, policia tha se ka nisur hetimet për zbardhjen e ngjarjes në fjalë./tvklan.al SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan