Vlore, banoret e Panajase presin shiun per te pire uje | ABC News Albania

Fshati Panaja në Vlorë prej 30-vjetësh vuan mungesën e ujit të pijshëm. Banorët thonë se presin shiun për të mbushur ujë, ose përdorin ujin e puseve. Kur hyn në Panaja vetëm pak km larg Vlorës,  bidonët e shumtë të tërheqin vëmendjen. Shërbejnë që banorët të mos vdesin nga etja. Mbushen ose me botë, ose me ujë shiu. Në Panaja numërohen 259 shtëpi. Një fshat i njohur për vreshtat dhe ullinjte. Më banorë që paguajnë faturën e ujit çdo muaj dhe që u vjen turp për atë që u ka ndodhur prej shumë vitesh. Këtu u tentua investimi i një ujësjellësi të ri. Por që kurrë nuk u finalizua. Të moshuarit luten për ditët me shi. Ashtu rendisin çfarëdo lloj ene, nga bidonët e kazanët për t’i mbushur ato me ujë. Në anë të rrugës se vjetër nacionale Vlorë -Fier, Panaja i ngjan një kohe të kaluar. Nuk mungon vetëm uji i pijshëm. Me energji elektrike furnizohen herë pas herë. ELTON NIKA GAZETAR I ABCNEWS, VLORË