ازاى تجوعى النرجسي وتخليه طول الوقت بيفكر فيكى

فيديو النهاردة ترجمه لفيديو لربيكا زونج وهى محاميه مشهورة جدا فى اميركا معروفه بأنها اشهر محاميه خبيرة فى التعامل مع النرجسي وهزيمته وقهرة فى المحكمه واحسن واحدة تعمل مفاوضات مع النرجسي وتخرج بمكاسب كبيرة لموكلها الضحيه للنرجسي عندها مقالات وموقع وكتاب خاص عن ازاى تتفاوضى مع النرجسي وتخرجى بنتايج مرضيه جدا هتكلمنا النهاردة عن ازاى تجوعى النرجسي وتخليه طول الوقت بيفكر فيكى وبيعمل مجهود اكبر معاكى هتقولنا على 6 نصايح نعمل بيهم كل دة واحسن نصيحه هى اخر نصيحه دة كلامها هى على فكرة 1- ابنى حدود قويه جدا انا عارفه ان النرجسي ما بيحترمش اى حدود ولا بيعمل اى حساب لحدود حد ودايما بيبين منتهى الاستهانه والاستهزاء بحدودك دى لكن صدقينى بيخاف منها جدا جدا حطى حدودك وخليكى صارمه وحازمه فيها ما تسمحيلهوش ابدا يهينك او يمد ايدة عليكى هدديه انك هتلجأى للقانون لو ضربك او لو شتمك سجليله اهانته ليكى ولأهلك وهترفعى علىه سب وقذف ولو بين قدامك اى استهانه انزلى فعلا روحى القسم واعملى المحضر وماتخافيش وشوفى بعدها هيعمل ايه ولا هيقدر يفتح بقه تانى والله وناس كتير نصحتها بكدة وجابت معاهم نتيجه كويسه جدا بيقولولى ما بقاش يقدر يشتم ولا يغلط فى اهلى بيفضل يزعق ويرزع لكن لايمك يشتمنى ولا يجيب سيرة اهلى ابدا النرجسي كدة يا جماعه يخاف ما يختشتيش اعملى لنفسك شخصيه وكرامه ماتسمحيلوش يتريق عليكى قدام اولادك او يستهزأ بيكى والا هتلاقى اولادك بعد كدة بيعملوا نفس الشيء وبيقولولك مانتى ياماما بابا بيقولك كدة وما بترديش عادى يعنى لأ خدى موقف واعملى وقفه وقوليله ما سمحلكش كلمه ما اسمحلكش دى بترعبه وبتخليه يتهز من جوة لو تراجعتى بعدها ممكن ياكلك لكن لو لاقاكى قويه وصامدة وبقيتى تكلميه وعينك فى عينه وانتى مش خايفه ولا مستضعفه كدة هتلاقيه هو اللى بدأ مرة على مرة يعملك الف حساب النرجسي ما بيحترمش حدودك لانه اصلا مش شايفك بنى ادمه مش شايفك انسانه هو شايفه حاجه شيء من اشياءه من ممتلكاته ازاى هيحترم او هيعمل حدود مع حاجه ملكه يعنى مثلا انتى ينفع تعملى حدود مع التلاجه بتاعتك او تحترميها تفتحيها فى اوقات محددة وما تفتحيهاش فى اوقات تانيه لاتكون نايمه ولا حاجه ؟ ينفع تحترمى الغساله تدخلى الحمام مثلا على طراطيف صوابعك لا تزعجيها او تخافى تقولى كلمه تضايقها اهو النرجسي شايفك كدة بالظبط غساله او تلاجه او اى حاجه من ممتلكاته مش المفروض ان يبقالك حدود ولا يحترمك هو عايز يسيطر عليكى فلما بتعملى حدودك فهو هيكون دايما مشغول ومهموم ازاى يكسر حدودك دى وينتهكها هيحاول بكل الطرق مرة باللوف بامبينج ومرة بال هوفرينج ومرة بالغضب النرجسي وكل ما هتكونى قويه وتبينيله انك مش خايفه وما بتتراجعيش عن موقفك هتلاقيه هو اللى هيتجنن منك ويفضل يفكر ازاى ارجعها تانى تحت سيطرتى لازم تعوديه على شخصيتك الجديدة زى ماهو من الاول برمجك على شخصيته هو انتى الدور عليكى بقه تبرمجيه على شخصيتك انتى انا مش بقول ان الموضوع سهل لكن لازم تبدأى.. ان تأتى متأخرا احسن من ألا تأتى ابدا 2- ماتديش للنرجسي حجم اكبر من حجمه ولا وقت اكتر من اللى يستحقه ما تتجادليش معاة ولا تدخلى معاة فى نقاش لا نهايه له لما تعرفى انك مضطرة تتكلمى مع النرجسي فى موضوع يخص الاولاد مثلا او الفلوس او اى التزام عائلى حددى لنفسك وقت هتخلصى فيه الكلام معاة مش هتفضلى بالساعات يتكلم يتكلم وانتى تبقى مرهقه نفسيا وعصبيا وهو عمال زى الراديو اللى ما بيفصلش ومحدش عارف فين الفيشه بتاعته حددى وقت انا هتكلم معاة نص ساعه وهتكلم فى الموضوع الفلانى مش هخليه يدخلنى فى حوارات تانيه وبعد كدة هقوم وهتحجج بأى حاجه اعملى تايمر على تليفونك واول ما يرن قوليله سورى هرد على التيفون 3- تالت حاجه نو ايموشن مفيش اى تعاطف ولا تفاعل يعنى ما ترديش اى استجابه ولا اى رد فعل تكونى باردة ابتسامه بلهاء كدة على وشك وساكته مابتتكلميش عارفه الابتسامه الصفرا اللى بتنقطى بيها اللى قدامك انا متأكدة انه عملها معاكى اكتر من مرة وخصوصا لما بتكونى انتى فى قمه انفعالك بتلاقيه هو بااااارد ومبتسم ابتسامه سخيفه كدة اهى هى دى بقه عايزاكى تقلديه هو عايز يستفزك علشان يستخلص منك اى وقود سواء سلبي او ايجابي يا تفضلى بقه تمدحى فيه وتشكرى فيه وتحسسيه ان مفيش زيه ابدا يا تخافى وتبكى وتحسسيه انه جبار وقاهرومدمر قوى جدا انتى لا هتديله دة ولا هتديله دة 4- اوعى تبلعى الطعم طبعا دة تكمله لرقم تلاته هو هيحاول يشدك تانى لدايرته هيحاول يجرك ويستفزك ويقول كلام يجرحك او يخليكى تفتكرى مواقف سيئه وتتفاعلى معاها او بالعكس هيحاول يعملك هوفرينج ويغرقك حب وهدايا وماله تمام خدى الخدايا ومثلى انك بلعتى الطعم بتاع الحب بس انتى من جواكى فاهمه وعارفه ان دة ماهو الا كدب 5- ماترديش على رسايل النرجسي بسرعه وخلى بالك كويس اوى انك تكونى محددة وتكونى مختصرة كلمه ورد غطاها ماتاخديش وتدى كتير فى الكلام ولا بوستات بقه ولا ايموجيز ولا كلام من ده ولما يبعتلك ردى بعد كتيييير ولما يقولك انتى ايه اللى جرالك انا كنت ببعت تردى فى ثانيه انتى بتعملى ايه قوليله مفيش مشغوله كنت بصلى كنت بقرأ قرأنكنت فى المطبخ كنت بتكلم فى التليفون وخلى بالك من كل كلمه بتكتبيها للنرجسي لانه ممكن يستخدمها ضدك خليكى حذرة جدا فى الموضوع دة ولا شات ولا ريكوردز ولا فويسيس كل دة بلاش 6- وطبعا واخيرا وليس اخرا الحل المثل لتجويع النرجسي واللى هيخليه يلف حوالين نفسه للى يقدر يعمل دة طبعا انك تمشي وتسيبيه وتخلصى من العلاقه دى نهائي ودة احسن حل طبعا امسحيه من حياتك ومن زاكرتك لو تقدرى برجع واقول للى تقدر هتلاقى الدنيا احلى والسما صافيه وزرقا والهوا حلو مش مسموم والشجر اخضر هتشوفى كل حاجه بلونها اللى ربنا خلقها بيه مش سودة وضلمه وقميئه زى ما هى معاهم ابدا هى دى الخطوات اللى هتخلى النرجسي دايما ميت من الجوع على اى حبه وقود ياخدهم منك وهيخلوة دايما بيفكر فى طرق جديدة يرجعك بيها للعلاقه ويرجعك تانى للحياة الغامقه والمأساة بتاعته