Top News - ‘Macron është shëndoshë e mirë’ / Dy bomba shpërthejnë afër hotelit të tij në Siri

Dy shpërthime goditën Damaskun të martën, afër hotelit ku presidenti francez, Emmanuel Macron, po qëndronte gjatë vizitës në Siri. Si pasojë e shpërthimeve, të paktën 18 persona janë plagosur. Presidenti francez nuk ishte brenda hotelit kur ndodhën shpërthimet, pasi sapo ishte nisur për në Pallatin presidencial, ku u takua me homologun sirian, Ahmed al-Sharaa. Pas shpërthimeve u panë shtëllunga tymi afër Hotelit Four Seasons, ndërsa forcat e sigurisë mbyllën një rrugë dhe autoambulancat u panë në vendngjarje. Ministria e Brendshme e Sirisë tha se një bombë ishte vendosur brenda një makine të parkuar në skaj të një rruge, ndërkaq një tjetër ishte vendosur në një kosh mbeturinash. Ministria tha se dy bombat shpërthyen “teksa po bëheshin përgatitje” për çmontimin e tyre. Mes 18 personave të plagosur janë edhe katër policë, raportoi media shtetërore siriane. Presidenti francez, që është udhëheqësi i parë evropian që viziton Sirinë që nga rrëzimi nga pushteti i Bashar al-Assadit më 2024, do të vazhdojë vizitën e tij, tha Pallati Elize. Shpërthimet ndodhën disa momente para se televizioni shtetëror sirian të njoftonte për arritjen e Macronit në Pallatin presidencial sirian. Macron gjatë takimit me al Sharaan diskutoi për rindërtimin e Sirisë dhe përsëriti thirrjen e tij për “uniteti”. Kjo ishte hera e dytë që kryeqyteti sirian u godit nga shpërthimet që nga enjtja e javës së kaluar, kur dhjetë persona u vranë pas një sulmi me bombë në një kafene në Damask. Presidenti francez nuk kishte njoftuar për datën e vizitës së tij, deri në momentin kur avioni me të cilin udhëtonte u ul në Siri të hënën, për shkaqe sigurie. Hera e fundit kur një president i Francës ka vizituar sirinë ishte në 2009, kur presidenti i atëhershëm Nikolas sarkozi u prit nga Bashar al Assad. Në maj 2025, macron priti al sharan në francë gjatë vizitës së tij të parë në një shtet evropian. Më pas, udhëheqësi sirian vizitoi Uashingtonin ku u takua me presidentin amerikan, Donald Trump. Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Bomabat#Siri