Kush janë 'armiqtë' e huaj që flet Rama? Shkurti pyet, Vengu: Informacion i klasifikuar! - Quo Vadis

Kush po e drejton protestën? Çfarë po ndodh në Shqipëri? Këto ishin disa nga pyetjet që u ngritën mbrëmjen e sotme në studion e Quo Vadis të moderatores Pranvera Borakaj në Vizion Plus. I ftuar në studio, analisti Armir Shkurti pyeti deputetin socialist Pirro Vengu se kush janë armiqtë e huaj që po nxisin protesta në Shqipëri, për të cilët flet kryeministri Edi Rama. Vengu theksoi se i respekton protestuesit, por se gjithmonë duhet pasur kujdes, sepse mund të ketë edhe elementë dashakeqë ndaj vendit tonë. Megjithatë, sipas tij, deklaratat e kryeministrit lidhen me informacione të klasifikuara. Pjesë nga biseda: Shkurti: Unë kam ardhur këtu për protestën. Ajo që unë këmbëngul është se shqiptarët do ta çojnë deri në fund protestën kundër regjimit. Janë 35 vite tranzicion. Është një tango Berisha–Rama. Është shumë më i egër në mbrojtje Berisha dhe patronazhistët blu. Kikia: Një pjesë të kolegëve të PD-së i kemi parë në protestë. Gashi: Edhe të PS-së. Shkurti: Në një shoqëri të lirë edhe robi ka të drejtë t’i shajë ata, sepse janë në protestë. Njëri ka dalë me flamingo; mua s’më pëlqen flamingoja. Dëgjova nga PD-ja një ligësi se ka elementë të “Black Metal”. Ne kemi një problem me regjimin; secili ka dalë me hallet e veta. Unë jam për të sqaruar pjesën e protestës në Tiranë, sepse as e njoh dhe as e di çfarë ka Sazani. Unë, apriori, me ato investime jam dakord në parim. Vengu: Kemi rikthyer racionalitetin. Shkurti: Shumë thonë që ka investuar greku, ndërkohë që në Greqi nuk ka resorte në det. Neve në vitet ’90, kur dolëm, na thoshin “forca të errëta”. Kë kemi armik sot? Vengu: Kur unë them që algoritmet futen sot në çdo shesh, ne nuk bëjmë përjashtim. Në kohën ku jetojmë, në botën digjitale, keqkuptimi shet, tërheq emocione dhe krijon nivele armiqësie për llogari që nuk kanë lidhje me Shqipërinë. Pikërisht sepse jetojmë në një botë të tillë, duhet të identifikojmë mesazhet. Borakaj: Çfarë keni identifikuar ju? Vengu: Në një mënyrë ju jap të drejtë, sepse po diskutojmë për të ardhmen e fëmijëve. Gashi: Kush është armiku? Borakaj: Edhe sikur të kisha informacion të klasifikuar, nuk do ta thoja këtu. Shkurti: Kur na morët të dhënat, na thanë se ishin hakerat iranianë. Gashi: Kryeministri ynë ka thënë se jemi në luftë hibride? Vengu: Mua nuk më pëlqen teoria hibride, pasi informacionet janë reale. E keni vënë re edhe ju; nuk po flas për viralitetin e protestës mes të rinjve pjesëmarrës. Po flas për viralitetin që krijohet në gjuhë të huaja, në mesazhe që kanë të bëjnë me luftëra në Lindjen e Mesme apo me debate në SHBA. Është evidente që këtu po shpenzohen para që mesazhe të caktuara nga protesta të tejkalojnë përmasat e tyre. Një “talk show” i vendosur në një orar “prime time”, çdo të martë dhe të enjte ora 21:00 që në thelb nuk synon ti shtohet numrit të madh të emisoneve të aktualitetit politik, më tepër sesa ka si objektiv të sjell një trend të ri të komunikimit publik në studiot televizive. Formati “face to face” synon të përcjell mesazhe të drejtëpërdrejta dhe lehtësisht të perceptueshme nga publiku. #quovadis #vizionplustv #pranveraborakaj