İsmayıllının Kürdmaşı kəndi nəzarətə götürüldü - APA TV

#APATV #İsmayıllı #Kürdmaşı İsmayıllı rayonunun Kürdmaşı kəndində, bir aya yaxındır ki, mal-qaranın tələf olması halları artıb. Kənd sakinlərinin APA TV-yə verdikləri məlumata əsasən, kəndə gələn baytar həkimlər heyvanlar arasında quduzluq xəstəliyinin yayıldığının ehtimal olunduğunu bildirib. Kənd sakini Əlövsət Həsənov deyib ki, heyvanlara vaksin vurulub: “Mal-qarada quduzluq xəstəliyinun ehtimal edildiyi deyilir. Bir inəyimiz ölüb. Kənddə çox adamın təsərrüfatında var”. Kənd sakini Teymur Ağayev deyib ki, eyni xəstəlikdən onun da üç inəyi tələf olub. Digər kənd sakini Tahir Nəcəfov da mal-qaranın tələf olduğunu təsdiqləyib: “Bir ay əvvəl inəyimiz tələf oldu. Əvvəlcə, su içmədi, gözləri qızarmışdı, başqa inəklərə hücum edirdi. Öz balasını belə, boynundan dişləmişdi. Daha sonra da tələf oldu”. İsmayıllı rayon Baytarlıq İdarəsi məsələ ilə bağlı açıqlama verməyib. Qida Təhlükəsizliyi Agentliyindən (AQTA) bildirilib ki, İsmayıllı rayon Kürdmaşı kəndində heyvanlar arasında quduzluq xəstəliyinin yayılması ilə bağlı APA TV-nin süjetindən sonra agentliyin regional bölməsinin əməkdaşları rayon baytarlıq idarəsinin əməkdaşları ilə birgə kəndə baxış keçiriblər: “Araşdırmalar başlanıb. Araşdırmaların nəticəsi ilə bağlı məlumat veriləcək”. İnəklərdə quduzluq xəstəliyi sinir sisteminə təsir edən, ölümcül olan virus infeksiyasıdır. Xəstəliyin ilkin əlamətləri heyvanın aqressivləşməsi və ya həddindən artıq qorxaqlaşması, yeməkdən imtina və çeynəmə problemleri ilə müşahidə olunur. Daha sonra boğaz əzələlərinin iflici nəticəsində su içə bilmir, hərəkət etmədə çətinlik yaranır. Son mərhələdə xəstəliyə tutulmuş inək iflic olur. #apaxəbər #apatvxəbər #gundemxeberler #gününxəbərləri #sondeqiqe #problem #inək #heyvan #quduzluq #Xəstəlik ✅ Rəsmi saytımız: https://apa.tv ✅ Rəsmi facebook səhifəmiz:   / tvapaxeber   ✅ Rəsmi instagram səhifəmiz:   / apatvresmi   ✅ Rəsmi X səhifəmiz:   / apatvofficial   ✅ Rəsmi teleqram səhifəmiz: https://t.me/apa_tv ✅ Rəsmi youtube kanalımız: https://www.youtube.com/APAGROUPOffic... Copyright © APA TV Videolarda yazılan rəylərə görə kanal rəhbərliyi məsuliyyət daşımır. REKLAM TƏKLİFİ ÜÇÜN (Contact) [email protected]