Kay Tagal Kitang Hinintay - Paul & Anne Wedding

April 17, 2026 ❤️ Isang kasal na hindi talaga pinaghandaan nang matagal. Binasa lang namin ang requirements, nagtanong-tanong, at sabi namin, "Sige, subukan natin kung kaya." Dahil 23 days lang ang leave namin at biglaan ang naging desisyon. Halos lahat ng pag-aasikaso ay si Paul ang gumawa. Mula sa requirements hanggang sa maliliit na detalye. Sobrang desidido niyang matali na kami, at doon ko lalong na-realize kung gaano ako kaswerte sa asawa ko. Hindi lahat ng lalaki ay ganito kasigurado na pakakasalan ka. One week bago ang bakasyon namin, nakita namin ang Cris & Charms sa TikTok. Tatlong araw bago ang flight namin papuntang Pilipinas, saka lang namin nabili ang wedding rings namin. Simple vacation lang sana ang plano namin. Pero sa biyaya ng Diyos, nairaos namin ang isang napakagandang civil wedding. Tahimik, simple, at napaka-intimate. Sa Cris & Charms, kulang na lang talaga ay pari at simbahan. Ramdam na ramdam mo na ikinakasal ka. Sampung araw bago ang kasal, saka lang ako nagdesisyong magpa-hair and makeup dahil eyeliner, pangkilay, at lipstick lang ang meron ako. Salamat kay Dimple Alfonso Hair and Makeup Artist dahil napaganda niya ako nang sobra. Rented lang ang wedding gown ko, pero pinayagan ako ni Paul na magsuot ng gown kahit civil wedding lang. Kaya nagsuot din siya ng suit para pareho kaming feeling bride and groom talaga. Salamat din kay Zhaly Brodeth sa vows namin, at kay Majeya Brodeth para sa honeymoon at sa venue ng ilan sa mga clips sa video na ito. Special mention din sa doktor ni Papcy, Dra. Victor. Mula April 1 hanggang April 16 nasa ospital siya, at pinayagan siyang lumabas isang araw bago ang kasal namin. Sa mismong araw ng wedding, mabilisang shopping pa kami ng outfit niya. At ang nakakatawang parte? Pagkatapos ng kasal namin, naghiwalay muna kami ni Paul. Umuwi siya sa bahay nila at ako naman sa amin para maghanda ng pagkain para sa celebration kinabukasan. Long-distance agad ang peg ng newlyweds. 😂 Salamat sa buong pamilya namin na nagtulong-tulong para sa simpleng salu-salo kinabukasan. Kay Kuya Abang and family, Pareng Daniel, Ate at Kuya Mike, at sa lahat ng tumulong. Hindi man engrande ang kasal namin, pero puno ito ng pagmamahal, sakripisyo, pamilya, at biyaya ng Diyos. To my husband, Paul Brodeth — thank you for choosing me, pursuing me, and loving me. 🤍 Forever starts with us. Music    • Kay Tagal Kitang Hinintay