REJALARINGIZNI HECH KIMGA AYTMANAG!

Rejalaringizni har kimga aytavermang Islom ta'limotlarida insonning yaxshi niyatlari, maqsad va rejalarini keraksiz ravishda oshkor qilmasligi tavsiya etilgan. Chunki amalga oshmagan ish haqida ko‘p gapirish ba'zan hasad, to‘siq yoki muvaffaqiyatsizlikka sabab bo‘lishi mumkin. Rasululloh sollallohu alayhi vasallamdan rivoyat qilinadi: "Maqsadingizga erishish uchun ishlaringizni sir tutish bilan yordam so‘rang. Chunki har bir ne'mat egasiga hasad qilinadi." Shuningdek, Alloh taolo Yusuf alayhissalom qissasida shunday marhamat qiladi: "Ey o‘g‘ilcham, tushingni akalaringga aytma, bo‘lmasa senga makr qilishlari mumkin." (Yusuf surasi, 5-oyat) Ushbu oyat inson o‘ziga berilgan ne'matlarni, ezgu rejalari va muvaffaqiyatlarini har kimga oshkor qilavermasligi lozimligini anglatadi. Salaflardan ham shunday hikmat rivoyat qilingan: "Muvaffaqiyatli ishlarning ehtiyojlarini sir saqlash bilan ado eting." Shuning uchun mo‘min kishi: • Yaxshi niyat qiladi; • Rejasini puxta tayyorlaydi; • Kerak bo‘lmaguncha uni hammaga aytmaydi; • Natijaga erishgach esa Allohga hamd aytadi. Ba'zan sukut ham muvaffaqiyatning bir qismidir. _________________________________________ Toshkent islom instituti katta o‘qituvchisi Qudratulloh domla Sidiqmetov, Video Toshkent islom institutining Youtube kanalidan olindi ‪@zikrlar‬ #duolar