姜皓文演降頭師跟劇組親訪泰國師傅學習施法手勢術語 分享幾時最易中降！？

姜皓文演降頭師感無形能量加持 跟劇組親訪泰國師傅學習施法手勢術語 演員姜皓文（黑哥）主演跨國驚悚新片，集結香港、泰國、馬來西亞及新加坡演員陣容，被喻為一部集合各種降頭傳說嘅「降頭百科全書」式電影，日前於馬來西亞檳城及吉隆坡舉行發佈會同首映禮。 黑哥今次飾演降頭師，開拍電影前，跟劇組親訪泰國降頭師傅，認識降頭術種類、術語同解降方式，學習施法手勢及術語用於拍攝，降頭師傅坦言唔會教授佢真實手法，免得有唔好嘅事發生。 黑哥透過呢次學習認識降頭嘅故事，大家會偏向覺得降頭係一種令人毛骨悚然及害人嘅事，但降頭師傅表明好多時都係幫助人為主。 降頭師傅透露只要有正能量及開朗嘅人比較唔容易中降頭，反而負能量及氣色低沉嘅人會比較容易中降頭。黑哥因飾演一名泰國華人，整部電影有大量泰文及國語對白。 《蠱降》故事圍繞一宗神秘「學生集體降頭事件」展開，泰國記者 Fon 為調查呢宗多年前嘅詭異案件，遇上四名前嚟泰國進行靈異探險嘅博主，然而四人回國後陸續被怪事纏身，當中一人更離奇死亡。Fon 懷疑佢哋遭人下降頭，於是搵白巫師協助解降，一步步逼近隱藏喺黑暗中嘅真相。 #姜皓文 #驚悚 #降頭 #傳說 #降頭師 #術語 #容易 #中降頭 #特徵 #無形能量 #怪事纏身 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0