Kung may ₱5M kami, sana naipagamot ko ang kapatid ko — Ex-Marine sa akusasyon ng NBI

Mariing itinanggi ng 18 Ex-Marines ang akusasyon ng NBI na nakatanggap umano sila ng tig-₱5 milyon kapalit ng kanilang pagtestigo sa Senate Blue Ribbon Committee hearing. Sa pagdinig, naging emosyonal ang isang dating Marine at sinabing kung totoo ang alegasyon, sana ay nagamit niya ang naturang pera upang maipagamot ang kanyang kapatid na may sakit. Sa isang madamdaming pahayag, inihayag niya na mismong ngayong Hunyo 4, kasabay ng pagdinig sa flood control issue, ay pumanaw ang kanyang kapatid dahil sa tumor sa utak.