RISE` հարթակ, որը միավորում է ճարտագիտությունը, ռազմարդյունաբերությունը և նորարարությունը

Հունիսի 3-4-ը Երևանում անցկացված RISE ֆորումը պետք է դառնա ոչ միայն հայկական ընկերությունների ձեռքբերումների ցուցահանդես, այլ հարթակ, որտեղ կհայտնվեն նոր գործընկերություններ, գաղափարներ և իրական պայմանագրեր։ Միջոցառման կազմակերպիչները հենց նման խնդիր են դրել իրենց առջև։ Այս մասին NEWS.am Tech-ի հետ զրույցում պատմել է Առաջատար տեխնոլոգիաների ձեռնարկությունների միության (UITE) գործադիր տնօրեն Էդուարդ Մուսայելյանը։ Նրա խոսքով՝ ֆորումի գլխավոր արժեքը ոչ միայն արդեն ստեղծված արտադրանքի ցուցադրությունն է, այլև երկրի տեխնոլոգիական էկոհամակարգի մասնակիցներին միավորելն ու միմյանց գտնելու հարցում նրանց օգնելը։ «Մեր գլոբալ նպատակն ու ակնկալիքը RISE-ից այն է, որ այն դառնա հաբ, որտեղ տեղի են ունենում իրական գործարքներ, որտեղ ձևավորվում են իսկական գործընկերություններ։ Դեռ վաղ է խոսել այն մասին, թե հատկապես ինչպիսի համագործակցություններ կհայտնվեն, բայց եթե մենք ճիշտ հիմք դնենք հիմա, ապա արդեն այս տարվանից, և առավել ևս հաջորդ տարիներին, կկարողանանք տեսնել արդյունքները»,- նշել է նա։