MASALLIDA QƏZVİNOBA MƏKTƏBİ QƏZALIDI.

Masallı rayonunun Qəzvinoba kənd ümumi orta məktəbi qəzalı vəziyyətdədir. Yeni tədris ilinin başlanmasına saylı günlər qalır. Şagirdlər doğma məktəblərini görmək üçün səbirsizliklə gözləyirlər. Təəssüf ki, bu fikirləri Masallı rayonunun Qəzvinoba kənd məktəbinin şagirdləri üçün söyləyə bilməyəcəyik. Çünki, onların təhsil alacağı məktəb qəzalı olduğundan, bu il məktəbdə tədris dayandırılıb. Masallı rayonunun Qəzvinoba kənd ümumi orta məktəbi qəzalı vəziyyətdədir. Qəzvinoba kənd ümumi orta məktəb binası 1959 – cu ildə tikilib, istifadəyə verilib. Hazırda məktəbdə 20 müəllim, 8 texniki işçi çalışır. Yeni tədris ilində 140 şagirdin təhsil alacağı proqnozlaşdırılır. Amma bina qəzalı vəziyyətdədir. Kənd camaatı öz gücünə müəyyən kosmetik təmir işləri görsələr də, vəziyyət dəyişməz olaraq qalıb. Valideynlər məktəbin hər an uça biləcəyindən narahatdırlar. Onlar övladları üçün yeni tədris ilində yeni məktəb binasının tikilməsini arzulayırlar. Sinxron: Əli Əliyev kənd sakini. Sinxron: Əlişən Məlikov kənd sakini. Sinxron: Cabir Hüseynov kənd sakini. Məktəbin qəzalı olması barədə Masallı rayon icra hakimiyyətinə və Lənkəran – Astara Regional Təhsil idarəsinə müraciət olunub. Hər iki qurum məsələyə operativ münasibət bildiriblər. Cari ilin sentyabr, oktyabr aylarında məktəb binasının yenidən tikiləcəyini vəd veriblər. Amma bir məsələ var ki, məktəbdəki hazırki vəziyyi nəzərə alan rəsmi orqanlar, tədrisin dayandırılması qərarını veriblər. Sinxron: Sevda Nuriyeva Qəzvinoba kənd ümumi orta məktəbin direktoru. Sinxron: Emil Axundov əsaslı tikinti və təchizat sektorunun müdiri. Yeni tədris ilinin, məktəbin şagirdlərinin dərs məşğələlərindən geri qalmaması üçün Lənkəran – Astara Regional Təhsil İdarəsinin rəhbərliyi tərəfindən, binanın tam tikilib, təhvil verilənədək, şagirdlərin qonşu məktəblərdə yerləşdirilməsi üçün müvafiq tədbirlər görülür.