Tv Klan - Durrësi nënujor, i panjohur për publikun

Durrësi nuk fsheh thesare vetëm në tokë mes rrënojave antike, por edhe nën ujërat e Adriatikut. Në fundin e detit ruhen dëshmi të rëndësishme të historisë së qytetit. Që në antikitet, Durrësi ka qenë një nga portet më të rëndësishme të Adriatikut dhe një qendër e zhvilluar e ndërtimit të anijeve. Pikërisht ky rol ka lënë gjurmë edhe nën sipërfaqen e detit, ku ndër vite janë zbuluar fragmente amforash, mbetje anijesh të mbytura dhe objekte të ndryshme që dëshmojnë aktivitetin tregtar të qytetit. Floreta Kërtusha, përfaqësuese e turizmit në Bashkinë e Durrësit, tregon se në qytet ndodhet Parku Arkeologjik Nënujore në zonën e Currilave, i njohur si zona e Batllave, i dedikuar për ekspedita kërkimore dhe shkencore. Ndërsa një tjetër zonë me interes arkeologjik ndodhet në Kepin e Rodonit, pranë Kalasë së Skënderbeut. Për shkak të statusit të tyre si site arkeologjike të mbrojtura, zhytjet në këto zona nuk lejohen aktualisht. Megjithatë, specialistët shohin mundësinë që në të ardhmen, pas përfundimit të studimeve dhe dokumentimit të plotë të objekteve historike, këto pasuri të hapen edhe për vizitorët e apasionuar pas zhytjes. Jashtë zonave të mbrojtura, aktiviteti i zhytjes lejohet dhe po tërheq gjithnjë e më shumë turistë. Krahas kësaj, Durrësi ofron edhe guida lundrimi, një produkt turistik që po zhvillohet vit pas viti dhe që u jep vizitorëve mundësinë të eksplorojnë bregdetin dhe historinë e tij nga deti. Ekspeditat e para shqiptare për kërkimin e këtyre pasurive nisën që në vitet 1970–1980, ndërsa sot disa prej zonave më të rëndësishme mbrohen me ligj. Thesaret e fshehura nën ujërat e Durrësit, sipas specialistëve, përbëjnë një potencial të rëndësishëm për zgjerimin e ofertës turistike dhe tërheqjen e vizitorëve të interesuar për arkeologjinë, duke synuar zhvillimin e turizmit gjithëvjetor. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/