#Париж төрінде Еуропадағы қазақ диаспорасының басқосуы

Еуропадағы Отандастар мен Қандастардың бас қосуы Париж төрінде өткен Еуропадағы қазақ диаспорасының басқосуына қатысу біз үшін үлкен мәртебе әрі ерекше әсерлі сәт болды. Басқосуға Ұлыбритания, Германия, Нидерланд, Финляндия, ИспанIия, Норвегия, Швейцария, Франция, Чехия, Италия, Португалия, Польша, Швеция, Дания, Бельгия, Мажарстан, Түркия мен Моңғолиядан келген қазақстандықтар мен қандастар қатысты. Қазақстан Республикасының Франциядағы Елшілігінде ұйымдастырылған бұл тағылымды кездесудің басты мақсаты – шетелдегі қандастардың бірлігін нығайтып, тарихи Отанмен рухани байланысты тереңдету болды. Іс-шара аясында өткен кездесулер мен мәдени бағдарламалар ұлттық құндылықтарымызды ұлықтап, қазақ рухын халықаралық деңгейде насихаттауға үлкен үлес қосты. Сыр елінің өнерпаздары мен қолөнер шеберлері халқымыздың бай мәдени мұрасын таныстырып, туған елдің жылуы мен рухын жеткізе білді. Сонымен қатар, Париж қаласындағы ұлт қайраткері Мұстафа Шоқайдың ескерткішіне тағзым ету – тарихи жадымызды жаңғыртып, ұлттық рухымызды асқақтатқан ерекше сәттердің бірі болды. Мұстафа Шоқайдың азаттық жолындағы күресі мен ел болашағына арнаған ғұмыры әрдайым зор құрметке лайық. Осындай тағылымы мол, рухани маңызы зор іс-шараларды ұйымдастырып, шетелдегі қандастардың басын қосып жүрген Қазақстан Республикасының Франциядағы Елшілігі ұжымына, «Отандастар» қорына және Режеп ағамызға және осы Құрылтай жиынның жоғары  өтуіне ат салысқан барша қазақ бауыларымызға  #МажарҚазақЭтноспортЖәнеМәдениҚауымдастығы атынан шынайы алғысымызды білдіреміз. Мұндай игі бастамалар қазақ халқының бірлігін нығайтып, ұ лттық құндылықтарды ұрпақтан ұрпаққа дәріптей беретініне сенеміз. 🇰🇿❤️🇭🇺