"ስለ እኔ ነው" ,ፓስተር ሄኖክ መንግስቱ ,2014 በአዲስ አበባ ቤተክርስቲያን አገልግሎት

“ማርያምም ዋጋው እጅግ የከበረ የጥሩ ናርዶስ ሽቱ ንጥር ወስዳ የኢየሱስን እግር ቀባች፤ በጠጕርዋም እግሩን አበሰች፤ ቤቱም ከናርዶስ ሽቱ ሞላ።” ዮሐንስ 12፥3 📌 የተደረገላትን ፣ የተቀበለችውን ምህረት የተረዳችው ማርያም ለእርሷ ውድ የነበረውን ነገሯን ሁሉ ለክርስቶስ አቀረበች። ሽቶው ፣ ፀጉራ ፣ እንባዋ በእግሩ ስር መሆኗ ሁሉ ለተቀበለችው ነገር የሰጠችው ምላሽ ነው። 📌 ኢየሱስ ክርስቶስ ስለ እኛ የሆነው ነገር ሁሉ በቃላት ከመገለፅ በጣም የላቀ ነው ። የመስቀሉ ጉዞ፣ በመስቀል ላይ የሆነው ፣ እርቃኑን መሆኑ ፣ በፈጠራቸው መናቁ መሰደቡ ፣ በመቃብር ማደሩ፣ ይህ ሁሉ ለእኛ የተከፈለው ዋጋን ሙሉነት አመልካች ነው። በእርሱ የተሰራው ስራ ለአማኙ ሙሉ ተቀባይነትን ያመጣለት ነው። 📌 ይህንን የክርስቶስን ስራ የተረዱ አማኞች ማርያም እንዳደረገችው በማድረግ ጌታን ያከብራሉ በተከፈለውም ዋጋ በነፃነታቸው ይመላለሳሉ። የተባረካችሁ ናችሁ።