Tv Klan-Lihet në burg i forti i Niklës, Marklen Haka: S’kam përdorur SKY, s'kam konflikte me askënd

Gjykata e Posaçme i ka komunikuar masën “arrest me burg” caktuar në mungesë ndaj, Marklen Hakës arrestuar paraditen e së premtes në Nikël nga Policia e Tiranës dhe RENEA. I vënë në akuzë për tentativë vrasje dhe posedim të armëve pa leje, Haka ka mohuar pretendimet e SPAK. Sipas këtyre të fundit, bazuar dhe në bisedat e zbërthyera nga platformat e komunikimit SKY, Haka ka patur rol aktiv në organizimin e vrasjes së Durim Bamit, në të paktën dy raste, një prej të cilave në Nëntor të 2020, atentat ky i dështuar. Vetë i “forti” i Niklës në seancën e zhvilluar ka mohuar se ka patur akses në aplikacionin SKY, si dhe ka mohuar të ketë konflikte. Marklen Haka i njohur dhe me mbiemrin Aliu, konsiderohet nga autoritetet si një nga njerëzit kryesor të botës së krimit në Shqipëri dhe ishte në listat e të shumëkërkuarve të policisë. Për disa muaj ai u fsheh në Dubai pasi u shpall në kërkim me kërkesë të SPAK dhe ka hyrë ilegalisht në Shqipëri disa javë më parë. Gjatë arrestimit të tij, në pranga u vu dhe një 21-vjeçar, që strehonte të shumëkërkuarin në banesën e tij në Nikël. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/