«Մեզ վիրավորում է, որ մեր երեխաները մեր լեզուն, մշակույթը մոռանում են»․ Մեծաձորը դպրոց չունի

Նախկինում՝ Սիչանլու, Ավթոնա, այժմ՝ Մեծաձոր խոշորացված համայնք։ 6 տուն, 50 բնակիչ ունեցող ամբողջովին եզդիաբնակ համայնք Թալինի շրջանում։ Մի քանի տարի առաջ գյուղում հուսահատության համատարած ալիքը վտանգում էր դատարկման հասցնել այն։ Բացակայող ենթակառուցվածքներ, սոսկալի վատ վիճակում գտնվող ավտոնաճանապարհ, որը բարձրադիր Սիչանլուն պետք է կապեր հարևան համայնքների և Թալինի հետ։ Սա, իհարկե, արդեն անցյալում է, ճանապարհը հիմնանորգված է։ Սա փոքր ինչ մեղմել է մեծաձորցիների բողոքի ալիքը, երբ տարիներ առաջ նախկին գյուղապետը, առանց գյուղացիների իմացության, անօրինական կերպով վաճառեց համայնքին պատկանող արոտավայրերը՝ հանուն քարի հանքի շահագործման։ Մեծաձորցիները համակերպվել են, սակայն վստահեցնում են՝ չեն պատրաստվում այժմ էլ վաճառել իրենց հողատարածքները՝ ևս մեկ նման հանքի շահագործման համար։ Երբեմնի հարուստ եզդիական մշակույթ ու կոլորիտ ունեցող այս գյուղում այսօր եզդի երեխան մայների լեզվով դժվարանում է խոսել, իսկ կարդալ՝ ընդհանրապես։ Մեծաձորը չունի նույնիսկ դպրոց, եզդի երեխաները դպրոց հաճախում են հարևան Վերին Բազմաբերդում, որտեղ նույնիսկ եզդիերեն լեզվի խմբակ չկա։ Ծնողները անհանգստանում են՝ երեխաներին զրկել են մայրենի լեզուն սովորելու իրավունքից, «էլ ի՞նչ մշակույթ, ի՞նչ ազգ»։ ------ Հետևեք մեզ նաև՝ Instagram   / xiret_media   TikTok   / xiret_media   Facebook   / xiret.media   Website https://xirat.com/