اسباب . السكوتر لما يسخن يبطل وميدورش الا لما يبرد ؟ من اسباب عدم دوارة السكوتر

http://bit.ly/scooterclinic حمل تطبيق اسأله وأجوبه عن الاعطال التى تواجهك ********************** #سكوتر #scooter_clinic بتبقى ماشى بالسكوتر ويبطل لوحده وميرضاش يدور ولا منافله ولا مارش الا بعد ما يبرد او بعد ما تسيبه شويه وترجع تدور ويدور عادى جدا ؟ تعالو نشوف ايه الاسباب او الاحتمالات اللى ممكن تخليه يعمل كده . تابع الجزء التانى للفيديو    • كيفية الكشف على رداخ بنزين السكوتر . من اس...   بسم الله الرحمن الرحيم والصلاة والسلام على سيدنا محمد اولا ممكن يكون الالكترونى لما بيسخن بيفصل وبتالى مفيش كهربا فى البوجيه طب عشان تتاكد من النقطه دى تعمل ايه ؟ علطول تفكر تكشف على الكهربا اللى هيا مقصود بيها شرارة البوجيه يعنى عاوزين نعرف فيه شراره فى البوجيه ولا لا طب ليه ؟ لان لو عيب الكترونى يبقى الكهربا هتقطع من البوجيه ومش هيبقى فيه شراره وبالتالى مش هيدور وبكده يبقى عرفت ايه اللى بيخليه يقطع لما يسخن طب ازاى تكشف على البوجيه وتعرف اذا كان فيه كهربا وبيعمل شراره ولا لا ؟ فيه طريقه سهله جدا بدل ما تفك البوجيه انت بس هتفك فيشة البوجيه من البوجيه وهتفك الفيشه من السلك كمان بحيث يبقى السلك من غير فيشه هيا بتتفك شمال زى اى حاجه بتتفك شمال يعنى هيا قلاوظ وتقرب السلك اوى من اى جزء ارضى سواء جسم الموتور او جسم الشاسيه وتدور الموتور واذا لقيت فيه شراره يبقى الكهربا شغاله وزى الفل ==== ولكن عندنا ملحوظتين ممكن تكون الكهربا شغاله ولكن ضعيفه وفى الحاله دى مش هتخلى الموتور يدور برضه وده مش هيفهمه الا حد متمرس وعارف قوة الشراره وشكلها والوانها لكن يعنى خلى المعلومه فى باااالك الملحوظه التانيه ان ممكن يكون اللى بيقطع هو البوجيه نفسه وهنا يبقى العيب فى البوجيه ويجب تغييره وبلاش نقول ازاى يعنى البوجيه لما يسخن هيقطع ولما يبرد هيرجع يشتغل لان ممكن حد يعلق على الفيديو بالرد ده لكن خلى الاحتمال ده فى بالك وحضرنى موقف دلوقتى كان حصل معايا عملت نص عمره وكل حاجه تمام والموتور غلبنى اخر غلبه عشان يدور واكشف على الكهربا والاقى البوجيه شغال وزى الفل والمهم ان البوجيه كان جديد يعنى مشتغلش كتير وفضلت متبع الظن انه جديد مينفعش يكون العيب منه وفضلت واثق ان العيب مش منه لانه جديد وشايفه بيشرز لغاية ما قولت طب غير البوجيه وكانت المفاجأه حسيت انى ملحقتش ادوس مارش اصلا والموتور دار على نفسه هههههههههه يعنى اشتغل من لمسه وكانت المشكله فى البوجيه لكن المشكله للأسف ان احنا بنتبع الظن ودا اوحش حاجه دايما نقول دا لسه جديد وشغال واهه بيشرز ادامك اهه ولما نتكلم عن فلتر الهوا برضه نقول نفس الكلام دا لسه جديد بالمناسبه من المواقف اللى كانت بتحصل وتجنن برضه ان نكون لسه معمرين مثلا والعميل جايب فلتر هوا جديد ونركب ونقفل وكل المعطيات تقول انه كده تمام ويالله ندور ونيجى ندور مش عاوز يدور ونلف حوالين نفسنا ويطلع فى الاخر عيب فلتر هوا الخامه ممكن رديئه مجرد ما بتركب بيبطل الموتور يعنى مش شرط عشان جايب فلتر جديد يبقى لازم يكون الاداء كويس ويكون مناسب للموتور وارد جدا ان يكون فلتر الهوا مانع مرور الهوا للموتور وبالتالى مش هيدور لان الموتور عشا نيدور محتاج ٣ حاجات اساسيه البنزين الاكسجين الشراره فلو حاجه منهم وقعت مش هيدور معلش خرجنا من موضوعنا لكن معلومات مهمه وجت على بالى احنا قولنا اولا ممكن الالكترونى طيب ثانيا ممكن تكون من الموبينه هيا مش المفروض انها تعمل كده ولكن برضه خلى الاحتمال ده فى بالك ثالثا ممكن تكون التكهات مش مظبوطه ودى حصلت معايا فى شغل كتير بيطلع العيب من التكهات والتكهات دى يا جماعه هيا الجابه بين الصباب و الشاكوش اللى بيفتح الصباب باختصار ان عدم ظبط الجابه دى يخلى غرفة الحريق مليانه بنزين بزياده او مفيهاش بنزين ولكن الاعراض مختلفه احنا فى العرض اللى هو لما بيسخن بيبطل ولما بيبرد بيشتغل طيب البنزين لو بزياده ولم يتم حرقه بالتالى بيحصل حاجتين اولا الموتور بيشرق وعشان يدور فتكون مضطر انك تسيبه شويه لغاية ما الشرقه تروح مش عشان الموتور يبرد لا دا عشان الشرقه تروح ثانيا البوجيه ممكن يتبل بنزين وبالتالى مش هيشرز فبتكون مضطر انك تسيبه شويه لغاية ما البنزين يروح من حرارة الموتور ويبدء الشرز يشتغل من جديد يكون فعال وطبعا فى الحاله دى انت محتاج تظبط التكهات هذا والله اعلم يا رب اكون افدتكو ومتنسوش اللايك والشير عشان استمر والسلام وعليكم ورحمة الله وبركات #سكوتر #scooter #scooter_clinic #سكوتر_كلينيك #GY6 Stator