(full story) - សាច់រឿងពេញនៃពិភព AVATARS

សម្រាយសាច់រឿង Avatar (2009) , Avatar The Way of Water (2022) និងរឿង Avatar Fire and Ash (2025) នៅក្នុងរយៈចម្ងាយខ្ទង់ 4.4 ឆ្នាំពន្លឺ រឺក៏ 41 ពាន់ពាន់ លានគីឡូម៉ែត ចាកចេញពីផែនដី គឺជាប្រព័ន្ធព្រះអាទិត្យមួយទៀតហៅថា Alpha Ceturie . ហើយនៅទីនោះដែរ ព្រះច័ន្ទ ទី៥ នៃភព Polyphemus ឈ្មោះ Pandora គឺជាទីតាំងដ៏ពិសេស ពោរពេញដោយសម្បត្តិធម្មជាតិដ៏អស្ចារ្យ ទាំងរុក្ខជាតិដើមឈើ សត្វព្រៃ គ្រប់ប្រភេទ ទាំងនៅលើគោក និងក្រោមទឹក . ហើយកាន់តែពិសេសនោះ ទីនេះក៏ជាទីលំនៅរបស់ ជនជាតិដើម NAVI ដែលរស់ជាលក្ខណៈកុលសម្ព័ន្ធ និងឲ្យ តម្លៃទៅលើការរួមរស់ជាមួយធម្មជាតិ -- ព្រោះតែគ្រប់ជីវិតសត្វ និងរុក្ខជាតិដែលរស់នៅទីនេះទាំងអស់ គឺសុទ្ធតែផ្សារភ្ជាប់​ ដូចជាប្រព័ន្ធខួរក្បាលមួយអញ្ចឹង និងក្លាយជា ព្រលឹងនៃព្រះច័ន្ទ Pandora មួយនេះ , ហើយជនជាតិ Navi បានហៅគាត់ថា ព្រះម៉ែ Eywa. រឺក៏ មាតាធម្មជាតិហ្នឹងឯង . -- លើសពីនេះទៀត ជនជាតិ NaVi ក៏បានរស់នៅបែងចែកក្រុមគ្នា ជាលក្ខណៈកុលសម្ព័ន្ធផងដែរ តាមតំបន់រាងខ្លួនៗ - ដូចជាកុលសម្ព័ន្ធ Omaticaya រស់នៅក្នុងព្រៃឈើ , កុលសម្ព័ន្ធ Metkayina រស់នៅក្នុងដែនសមុទ្រ , កុលសម្ព័ន្ធ Tayrangi ចូលចិត្តជិះសេះហោះរស់នៅលើផ្ទៃអាកាស រឺក៏ កុលសម្ព័ន្ធ Mangkwan​ដែលរស់នៅតំបន់ភ្នំភ្លើងអីជាដើម. រួចក្រោយពីរវិវត្តរ៍ខ្លួនយ៉ាងមានសុខសន្តិភាពអស់រយៈពេលរាប់លានឆ្នាំមកនេះ . នៅក្នុងពេលមួយ អ្វីគ្រប់យ៉ាងក៏បានផ្លាស់ប្តូរ . ដែលវានេះគឺជាការមកដល់របស់អេលៀនក្រៅភព ហៅថាពូជសាសន៍មនុស្សលោក ។​ ពូជសាសន៍នេះ គឺមានរាងកាយតូចៗញឹបទេ បើសិនជាប្រៀបធៀបជាមួយនឹង ជនជាតិ NaVi . ប៉ុន្តែពួកគេ គឺបាននាំមកជាមួយនឹងគ្រឿងយន្តខ្នាតធំ អាវុធសាហាវៗ មានអានុភាពខ្លាំងក្លា និងអាចហោះឡើងទៅលើមេឃទៀតផង .ហើយមិនតែប៉ុណ្ណោះ ពូជសាស៍នេះ ខ្លួនតូចទេ ប៉ុន្តែ ចិត្ត ពោរពេញ មហិច្ចតា និង ភាពលោភលន់ --​ហើយការមកដល់របស់ពួកគេ មកកាន់ភពព្រះច័ន្ទ Pandora នឹងបង្ករមហន្តរាយយ៉ាងច្រើន ដល់ជិវីត ជនជាតិដើម សត្វ រុក្ខជាតិនៅទីនេះជាខាន .