ထိုင်းအလုပ်သမားဝန်ကြီးဌာနကရွှေ့ပြောင်းအလုပ်သမားတွေ ခွင့်ပြုချက်မရှိဘဲအလုပ်လုပ်ကိုင်နေသူတွေစစ်ဆေးရန်

ထိုင်းအလုပ်သမားဝန်ကြီးဌာနက ရွှေ့ပြောင်းအလုပ်သမားတွေနဲ့ အလုပ်ခွင့်ပြုချက် (work permit) မရှိဘဲအလုပ်လုပ်ကိုင်နေသူတွေ ကို နိုင်ငံတဝှမ်း စစ်ဆေးရန် အမိန့်ထုတ်ပြန် ဆိုတဲ့သတင်းကို တင်ဆက်ပေးသွားပါမယ်… ထိုင်းအလုပ်သမားဝန်ကြီးဌာန ညွှန်ကြားရေးမှူးချုပ်ဖြစ်တဲ့ မစ္စတာဖိဆေ့လ် ထောင်ဖန်းက ထိုင်းနိုင်ငံသားများရဲ့ အလုပ်အကိုင်များကို ကာကွယ် စောင့်ရှောက်ရန်အတွက် ရွှေ့ပြောင်းအလုပ်သမားတွေ၊ အလုပ်ခွင့်ပြုချက်မပါဘဲ လုပ်ကိုင်နေသူတွေနဲ့ ရွှေ့ပြောင်းအလုပ်သမားတွေကို နာမည်ခံ (နောမနယ်) ပုံစံနဲ့ အလုပ်ခန့်၊စီးပွါးရေးလုပ်ကိုင်နေတဲ့ လုပ်ငန်းရှင်များကို ဝင်ရောက်စစ်ဆေးမည်ဖြစ်ကြောင်း ပြီးခဲ့သည့် အောက်တိုဘာ ၂၆ နေ့မှာ ထုတ်ပြန်လိုက်ပါတယ်။ ထိုင်းနိုင်ငံရဲ့ ခရီးသွားဒေသနဲ့ အချက်အချာစီးပွါးရေးဇုန်များဖြစ်တဲ့ ဘန်ကောက်၊ ဖူးခက်၊ ချင်းမိုင်၊ ကော့စမွေ၊ ပတ္တရား အပါအဝင် … တခြားအရေးပါတဲ့ စီးပွါးရေးငန်းတွေ ကားအငှားလုပ်ငန်း ၊ခရီးသွားလမ်းညွှန်လုပ်ငန်း ၊ ဆံသလုပ်ငန်း(hair salon) များကို အဓိကထား စစ်ဆေးသွားမည်ဖြစ်ကြောင်း လည်း ပြောကြားထားပါတယ်။ ဒီစစ်ဆေးမှုရဲ့ ရည်ရွယ်ချက်ဟာ ရွှေ့ပြောင်းအလုပ်သမားတွေ ဥပဒေနဲ့အညီ လုပ်ကိုင်ရန်၊ တားမြစ်ထားတဲ့ လုပ်ငန်းတွေကို လုံးဝလုပ်ကိုင်ခြင်းမရှိရန်နှင့် ထိုင်းလူမျိုးတွေရဲ့ အလုပ်အကိုင်အခွင့်အလမ်းတွေ မဆုံးရှုံးစေလိုတာတွေကြောင့်ဖြစ်တယ်လို့လည်းဆိုပါတယ်။ အကယ်၍ မကိုက်ညီမှုများကို စစ်ဆေးတွေ့ရှိပါက အလုပ်သမားဥပဒေအတိုင်း ထောင်ဒဏ် ၊ ငွေဒဏ်နှင့် စတဲ့ အရေးယူဆောင်ရွက်မှုတွေကို လည်း လုပ်ဆောင် သွားမည်ဖြစ်ကြောင်း အတိအလင်း ကြေညာထားပါတယ်။ (ယခင်ကထက် စစ်ဆေးမှုတွေပိုမိုကြပ်မတ်သွား အလားအလာမှာ ရှိနေပါတယ်။ #เทรนด์วันนี้ #mapradio #ႁႅင်းၵၢၼ်ယၢၼ်မိူင်း